Konstumobidek turistentzako gomendio-sorta biltzen duen gida bat osatzen lagundu du
BILBO. Konstumobidek turistentzako gomendio-sorta biltzen duen gida bat osatzen lagundu du. Sonia Perez Ezquerrak Turismo, Merkataritza eta Kontsumo sailburuak, azpimarratu du “esperientzia aberasgarri eta jasangarria” izan dela. Gida hau egiteko Kontsumobide Basquetourrekin elkarlanean aritu da Kontsumobide. Gidan, jasangarritasuna eta euskal kultura eta ondarearekiko errespetua azpimarratzen da.
Hiru ataletan egin du lan Kontsumobidek. Lehenengoan, turista eta kontsumitzaile gisa betebeharrak eta eskubideak dituztela gogorarazten zaie; aldez aurretik egiazko informazioa jasotzeko eskubidea, tratu eta zerbitzu ona jasotzeko eskubidea, faktura eskuratzeko eskubidea eta kexa eta erreklamazioak egiteko eskubidea.
Bigarren atalak turismo alorrean lan egiten duten langileengan jartzen du fokua, eta turistari eskatzen zaio langile horiek errespetuz tratatzea; zerbitzuarekin ados ez badago kexa edo erreklamazioa jar dezakeela adierazten zaio. Hirugarren atalean jasangarritasunaren eta ingurumenaren aldeko apustua egiten du gidak, ura eta energia aurreztearen garrantzia azpimarratzen da, baita birziklatu eta jasangarritasunaren alde egiten duten establezimenduak hautatzea ere. Azkenik, kontsumoko gatazkak ebazteko sistema gisa arbitrajera jotzeko eskatzen dio.
Nora Abete, Kontsumobideko zuzendariak aipatu duenez “turista arduratsuak nahi ditugu gure artean, baina gu ere turista bihurtzen garenean arduratsuak izan behar gara”.
Más en Política
-
Muere a los 80 años Ignacio Bayón, ministro de Industria y Energía con Adolfo Suárez
-
Sánchez llama a una victoria "amplia" de Illa para garantizar la "estabilidad" en Catalunya
-
Feijóo reclama el cese o la dimisión de Óscar Puente por provocar una crisis con Argentina
-
Cultura azuza el debate al quitar los galardones a la tauromaquia