Bertsolari Gazteen BBK sariketak 25 urte bete ditu

bilbao - Bertsolari Gazteen BBK sariketak 25 urte bete ditu aurten. Atzo jakinarazi zutenez, edizio honetako lehenengo kanporaketa gaur jokatuko da Arratzun eta martxoaren 31n izango da finala Bilbon. Taldekako txapelketa da; gutxienez sei kidek osatuko dute bakoitza; guztira, zortzi taldek eman dute izena. Aurkezpenean izan ziren Ione Narbaiza Bizkaiko Bertsozale Elkarteko eragilea, Juanjo Respaldiza Bizkaiko Ikastolen Elkarteko bertsolaritza arduraduna, Leire Aragón BBKren Gizarte Ekintzako zuzendaria eta Etxahun Lekue, Bizkaiko Bertsolari Txapelduna. - DEIA