Ezkerraldea

Barakaldoko Gorostiza eta Errekatxo auzoek arriskuak ekiditeko plana izango du

31.12.2019 | 13:11

BARAKALDO. Barakaldoko auzoak diren Gorostiza eta Errekatxorako Arriskuen Aurrean Jarduteko Plana abian jarri zuten atzo goizean, Ángel Madrazo zinegotziak emandako prentsaurrekoan. Planak 599 auzokideei eragingo die.

Angel Madrazok prentsaurrekoan azaldu zuenez, "kokapen geografikoa eta ezaugarriak direla eta, eremu honek hainbat arrisku ditu, eta, beraz, komenigarria da prebenitzea eta larrialdi-egoerei erantzun sinple, azkar eta eraginkorra ematea".

Jarduketa-planak biztanleriaren, haren ondasunen eta ondare kolektiboaren osotasunari eusteko eskura dauden giza baliabideak eta baliabide materialak antolatzen ditu, eta edozein arrisku-egoerak eragindako larrialdietan berehala esku hartzea bermatzen du.

Planean jasotakoaren arabera, inguru horretan zenbait elementuk egoera jakin batzuk eragiteko probabilitate berezia dute, eta, egoera horien bilakaeraren arabera, ondorio larriak eragin ditzakete pertsonengan, ondasun materialetan eta ingurumenean. Funtsean, arrisku naturalen fokuak aztertzen dira (Loiola eta Castaños ibaiak eta uholdeak eragin ditzaketen errekak, lur-jausiak, baso-masetako suteak ¿ eragin ditzaketen mendi-mazelak eta ezponda ezegonkorrak), bai eta teknologikoak ere (hiriguneetan suteak, ibai-ibilguetara egin daitezkeen isurketa kutsagarriak ¿), baina badira arrisku sozialeko fokuak deiturikoak ere, pertsonen kontzentrazio handiei lotuta daudenak.

Planak arrisku-egoerei aurrea hartzeko jarduerak jasotzen ditu, eta horien oinarria da bizilagunei zuzeneko informazioa ematea, bai eta larrialdietan erabilgarri dauden eta mobilizatu daitezkeen udal-bitarteko eta -baliabideak ere.

UHOLDE, SUTE ETA ABARRETARAKO ATERPETXEA ETA ELKARGUNEAK

Larrialdietarako aterpetxe gisa honako eraikin hauek izango dira: Barakaldoko frontoia, 170 ohe jartzeko lekua duen kantxa, Lasesarreko kiroldegia (470 ohe) eta Gorostizako kiroldegia (300 ohe).

Kanpo-laguntza ezbeharraren lekura errazago iritsi dadin, planean BI-4746 errepidea N-634 errepidearekin lotzea proposatzen da, kanpoko baliabideak sartzeko Elkargune gisa. "Horiexek izango dira Errekatxo eta Gorostiza auzoek kanpoko laguntza jasotzeko guneak, eta bertatik Udaltzaingoak gidatuko ditu baliabide horiek esku hartzeko guneraino", azaldu zuen Madrazok.

Bestalde, Errekatxo auzoko bizilagunentzako elkargune hauek finkatu dira, arriskuaren arabera: Mezerreka kalea (hipikaren parean), gune garaietan uholde-arriskua dagoenean eta gune baxuetan uholde-arriskua dagoenean Ureta eta Mezperuza kaleak gurutzatzen diren tokia, eta Errekatxo eta Gorostiza auzoetako aparkalekuak, sute-arriskua dagoenean.

"Babes Zibileko Udal Planaren antolaketak udal-antolaketa osoa hartzen du, Udal Gobernuak plana zuzentzen duenetik hasi eta arrisku larriko egoeretan mugi daitekeen azken zerbitzuraino, eta hondamendi egoera handietan herritarren laguntza ere jasotzen du", gaineratu zuenMadrazok.