255.000 euroko dirulaguntza emango dio ABAO Bilbao Operari

19.04.2022 | 15:54
Guggenheim museoa.

Asociación Bilbaina de Amigos de la Ópera ABAO Bilbao Operak 255.000 euroko dirulaguntza jasoko du Bilboko Udalaren partetik, goi mailako bi opera abiarazten laguntzeko: Las Voix Humaine eta Eine Florentinische Tragödie. 

Horrela, bada, Udalak berretsi egin du Bilboko kulturarekin eta ABAO Bilbao Opera elkartearekin duen konpromisoa. Laguntza horrekin, elkarteak arte lirikoa, oro har, eta opera, zehazki, garatzeko eta zabaltzeko egindako ahalegina aitortzen du Udalak, Estatuan zein nazioartean entzutetsua den denboraldi egonkorra antolatzen lagunduz.

ABAO Bilbao Opera funtsezko agentea da Euskal Herriko eta Estatuko kulturaren sektorean. Nazioarteko proiekzio nabarmena du, antzoki nagusien mailako programazioarekin eta jarduera sendoen proiektu batekin —zeinek erakundearen garrantzia eta operak bere ingurunean duen zama ekonomiko esanguratsua islatzen baitute—. ABAO Bilbao Operak bikaintasuna bermatuz programatzen ditu bere jarduera guztiak, eta gizartearekiko konpromisoa erakusten duen kultura-proposamen oso eta orekatua aurkezten du urtero.

BILBOKO UDAL LIBURUTEGIEK LIBURU ELEKTRONIKOEN MAILEGUA ESKAINTZEN DUTE

Bestalde, Bilboko Udal Liburutegiek mailegu digitalerako sarbidea ematen diete erabiltzaileei eLiburutegia erabiltzeko, Internet bidez eduki digitalak eskaintzen dituen plataforma.

Gainera, 2022 honetan, erabiltzaileentzako zerbitzu berri eta oso praktiko bat gehitu da: liburu elektronikoak edo ebook–en mailegua aurretik eskatutako tituloak jada deskargatuta dituztenak. Berritasun honen bidez, eLiburutegia erabiltzeaz gain, Liburutegien Sareak dituen gailu hauen mailegua bultzatu nahi da.

Euskadiko Irakurketa Publikoko Sareko txartela duten 18 urtetik gorako pertsonek ebook-ak maileguan izan ditzakete 30 egunez. Deskargatutako tituluekin eskatu nahi izanez gero, nahi diren liburuen tituluak jakinarazi beharko zaizkio liburutegiari (posta elektronikoz edo formularioz). Liburutegiak deskargatu egingo ditu eta liburu elektronikoak erabiltzaileei entregatuko dizkie, irakurtzeko prest dauden liburuekin.

Zerbitzu honetan eta eLiburutegia plataforman sartu ahal izateko, Euskadiko Irakurketa Publikoko Sareko liburutegi bateko bazkidea izan behar da. Hala ez bada, Euskadiko Irakurketa Publikoko Sareko edozein liburutegitan eskatu ahal izango da txartela, eta bertan, eLiburutegira sartzeko behar diren datuak emango dira.

ELiburutegian erabiltzaileek liburu elektronikoak, audioliburuak, aldizkariak eta ikus-entzunezko edukiak eskura ditzakete, hala nola filmak, serieak, dokumentalak edo kontzertuak.

noticias de deia