Doako erregistroa

BiziErregistroa hedatzeko kanpaina abiaraziko du Bilbok

14.04.2021 | 11:18
BiziErregistroa kanpainaren kartela.

BILBO. Txirrindularien esperientzia hobetuko duen BiziErregistroa hedatzeko kanpaina jarriko du martxan Bilboko Udaleko Mugikortasun eta Iraunkortasun Sailak. Zerbitzu honek beren bizikletak erregistratzeko aukera ematen die txirrindulariei, jabetza ziurtatzeko eta galdu edo lapurtuz gero hobeto identifikatu ahal izateko.

Nahi duenak esteka honetan inskribatu daiteke erabat doan, jabearen datu pertsonalak sartuta. Bizikletarentzat markaketa-kita eskura nahi izatekotan, zazpi euro ordaindu beharko ditu jabeak. 

Markaketa-kita lau eranskailuk osatzen dute, bakoitza bere QR kodearekin, eta bizikletan jar daitezke errazago identifikatu ahal izateko. Kita jasotzeko, aurrez hitzordua hartu behar da (Udalaren web orriaren bidez). Ondoren, Herritarrak Artatzeko Bulegora joan eta NANa aurkeztu behar da (Ernesto Erkoreka plaza, 12).

BIZIKLETAREN ERABILERA SUSTATZEA

Hirian batetik bestera bizikletarekin ibilita ingurumena errespetatu eta emisio kutsakorrak aurrezten dira. Bizikleta gero eta hedatuago dago gure hirian, dauden erraztasunei eta Bilboko Udaleko Mugikortasun eta Iraunkortasun Sailak bizikletaren erabilera sustatzeari esker. Hala ere, bizikletak lapurtzeko edo galtzeko arriskua ikusten duten erabiltzaileek, eta horrek erabilera handiagoa izatea eragozten du.

BiziErregistroaren bitartez, edonork egiazta dezake bizikletaren jabetza, errazago identifika daiteke, eta lapurtzeko arriskua gutxitu eta errazago berreskura dezake. Eranskailuetan inskribatutako QR kodeak bizikleta identifikatzeko aukera ematen du telefono mugikorra erabilita, eta, gainera, Udaltzaingoak horren datuak arakatu ditzake. Era berean, lau biniloak kentzeko oso zaila den materialarekin egin dira, eta, manipulatuz gero, kentzea oso zaila den arrasto itsasgarria geratzen da.

SEGURTASUN-AHOLKUAK

Bizikleta bat lapurtzean, ezinbestekoa da Udaltzaingora joan eta salaketa jartzea. Gehigarri gisa, jabea BiziErregistroan alta emanda badago, lapurreta jakinarazi behar du web plataforman, era horretan errazagoa izango baita berreskuratzea. Legez kontrako merkataritza zailtzeko, zalantzazko jatorrizko bizikletak edo osagaiak erostea saihestu behar da.

Bizikleta aparkatuta uzten den guztietan kandadua jartzea komeni da, nahiz eta denbora gutxirako izan edota leku ikusgarrietan eta jendetsuetan aparkatu. Lapurretaren aurkako kalitatezko mekanismoak erabiltzea beti da egokia, eta horiek eskuratzeak dirua eta arazoak aurrezten lagun diezaguke.

BIZIKLETAREN ALDEKO HIRIEN SAREA

Bilbo Bizikletaren Aldeko Hirien Sareko kidea da; sareak 135 bazkide ditu, eta horiek Espainia osoko ia 1.000 udalerri ordezkatzen dituzte. Bizikletaren Aldeko Hirien Sarearen helburua da txirrindularien zirkulazioa erraztea, seguruagoa egitea eta garatzea, bereziki hiri-ingurunean. 2019. urtean, Bilbo izan zen elkarte horrek antolatutako Hiriko Bizikleta Topaketen lehen hiri anfitrioia, eta Bizkaiko hiriburuak Ohorezko Aipamena jaso zuen bizikletaren erabileraren alde egindako lanarengatik.

noticias de deia