Ekainetik azarora

Gora egin dute Bilboko Udaltzaingoak jarritako salaketak

16.11.2020 | 19:56
Bilboko Udaltzaingoak 5.000 salaketa baino gehiago jarri ditu ekainetik azarora.

BILBO. Ekainaren 18an koronabirusaren pandemiak eragindako lehen alarma egoera ezarri zenetik, gora egin dute Bilboko Udaltzaingoak jarritako salaketak. Zehazki, tokiko poliziak 5.000 salaketa jarri egin ditu egun horretatik atzora arte, azaroak 15.

Osasun sailburuak ekainaren 18an emandako agindua (eta ostalaritzako ordutegiak murrizteko haren eguneratzea ekarri zuena) eta uztailaren 15ean emandako agindua dira hautsitako arauak, eta halaber Lehendakariak urriaren 26an emandako dekretua eta azaroaren 6an emandako dekretua.

Agindu eta dekretu horiek zenbait neurri berezi ezartzen dituzten higieneari eta prebentzioari buruz, covid-19ak eragindako infekzioen hedatzeari eusteko, hala nola maskara nahitaez erabili beharra, pertsonen multzoen neurria mugatzea, tegietan sar daitezkeen pertsonen kopurua mugatzea edo ordutegiaren eta mugikortasunaren aldetik jartzen diren murriztapenak, €batzuk aipatzearren.

Hala, 5.000 salaketa baino gehiago horietatik –zehazki 5.494–, maskara erabiltzeko betebeharra ez betetzeagatik izan dira, edo behar bezala jantzita ez eramateagatik. Zehazki, udaltzainek, 4.045 pertsonari jarri die isuna arau hori hausteagatik. Zehapenak, xeheki, honako hauengatik izan dira: 695, kale-edanerako elkartzeagatik; 153, ostalaritzako tegiak ixteko ordutegia ez begiratzeagatik; 60, pertsonen arteko segurtasun tartea ez gordetzeagatik; 24, terrazak instalatzeagatik; 12, jende kopuruen mugak ez errespetatzeagatik; 40, gazteen lonjetan jardueratik; 52, 6 pertsona baino gehiago batzeagatik; 375 ordutegi murriztapenak ez betetzeagatik, eta 38 mugikortasunerako murriztapenak ez betetzeagatik.

Salaketa kopuru hori ia bikoiztu egiten da Udaltzaingoak lehen Alarma Estatua indarrean egon zen aldian (4.400 baino gehiago) jarritako salaketak kontuan hartuz gero. Kasu honetan, covid-19 563-20 Errege Dekretua ez betetzeagatik.

BILBO-BASURTO ESI-AREKIKO ELKARLANA

Bilboko Udaltzainak elkarlanean ari dira etengabe Eusko Jaurlaritzako Osasun Sailarekin berrogeialdian egon beharra daukaten pertsonak zaintzen eta kontrolatzen, haiek covid-19a eragiten duen birusa atzemateko probetan positibo emanik edo proba horietan positibo eman duen pertsona batekin harremanetan egon izanik.

190 kasu kontrolatu dituzte Bilboko udaltzainek Bilbo-Basurtuko Erakunde Sanitario Integratuak (ESI) eskatuta. Zehazki, Bilboko Udaltzaingoak du ardura positibo eman duten pertsonak eta pertsona horien harremanak lokalizatzeko; gainera, berrogeialdia betetzen ez denean ere esku hatzen du, eta, Osakidetzak adierazten dionean, ixteko aginduak edo ixteko eskaerak jakinarazi behar ditu ostalaritzako lokaletan.

Zehazki, Bilboko Udaltzaingoak 55 pertsona lokalizatu ditu, covid-19aren proban positibo emandakoak, eta beste 51 pertsona ere bai, positibo eman duten pertsonekin harremanetan egondakoak. Horrez gain, bakartuta egoteko betebeharra bete ez den kasuetan ere esku hartu du, hain zuzen, 13 kasutan, eta ixteko 71 agindu edo eskabide ere jakinarazi ditu.