euskara erabil dadin

“Darabilbok” jardueraz beteriko martxoa eskaintzen die euskaldunei

08.02.2020 | 19:19
Bilboko Udalak, Bilboko Euskaltegien Sarearekin batera, aurten ere euskaraz egiteko ekimen bat jarri dut abian: “Darabilbo”.

BILBO. "Darabilbok" jardueraz beteriko martxoa eskaintzen die euskaldunei. Kulturarekin eta denbora librearekin zerikusia duten jarduerak eta tailerrak antolatuko dira, eta doan eskaintzen dira, denbora librean euskara erabil dadin.

"Erabili Euskara Bilbon" leloarekin, jarduerak taldeka egiten dira uriko auzoetan urte osoan zehar, uztailean eta abuztuan izan ezik. Jarduera horiek hauentzat guztientzat dira: ikasleentzat, ikasle ohientzat, euskara hobetu nahi dutenentzat eta, oro har, euskaraz dakiten eta denbora librean euskaraz bizi nahi dutenentzat.

Urte osoan, uztailean eta abuztuan izan ezik, tailerrak eta doako ekitaldiak egingo dira, era askotakoak, Bilboko auzoetan, kulturaz eta denbora libreaz euskaraz gozatzeko aukera ematearren. Euskara ikasten ari direnentzat da, euskara hobetu nahi dutenentzat, edo euskaraz bizi nahi dutenentzat. Era bateko eta besteko jarduera eta tailerren artean eskaintzen dira bisita gidatuak Arte Ederren Museora eta Guggenheimera, Euskal Dantzak, antzerkia, garagardo, ardo, kafe eta olio dastaketak, kultur ibilaldiak Bilbon han eta hemen, kultur jarduerak, sukaldaritzako tailerrak, esku-lanak, argazkigintza, autodefentsa eta teknologia berriak. Jarduera guztiak euskaraz egingo dira.

Martxoan gozogintza-tailerrak egingo dira, ezti-dastaketak, gosari magikoak, Joseba Sarrionaindiaren lanaren "Gure Oroitzapenak" filma eta hitzaldi-eztabaida, "Buruarinak" familientzako tailerrak. Hainbat zozketa ere egongo dira: Loraldia jaialdirako, Arriaga Antzokirako, Bilborockeko kontzertu baterako, Guggenheim Museorako eta Itsas Museorako.

Jarduera horietan parte hartzeko, Darabilbo web orrian eman behar da izena, eta ezinbestekoa da 16 urte beteta izatea (familiako jardueretarako izan ezik) eta euskaraz ahoz komunikatzeko adina jakitea: www.darabilbo.eus.