Galdakaoko Udalak dagoeneko esleitu du Tximiolarreko igogailuaren instalazioa

05.11.2021 | 17:50
Galdakaoko Udalak dagoeneko esleitu du Tximiolarreko igogailuaren instalazioa

Dagozkion azterlanak egin, proiektua osatu eta obrak kontratatzeko prozedura amaitu ondoren, Galdakaoko Udalak igogailu bat jarri du dagoeneko Urreta eta Tximiolarre ingurua komunikatzeko. Azpiegitura berria Urreta HLHI ikastetxearen aurrean kokatuko da, eta 25 eta 30 metro arteko desnibelak gainditzen dituzten egungo eskaileren eta arrapalen alternatiba izango da.

Aperribaiko maldek eragiten dituzten irisgarritasun arazoak gainditzeko egitasmoak aurreikusten dituen bost igogailuetatik bi martxan daude udaberritik, eta, datorren urte erdi aldera, hirugarren bat ere martxan egongo dela aurreikusten du Udalak: auzoaren behealdetik anbulategira arteko igogailua eraikitzeko lanak esleitu dira. Lanak urtarrilean hasiko direla espero da, eta, ezustekorik ezean, 2022 urte erdialderako amaituta egongo direla.

Hortaz, batetik, Aperribaiko anbulategia gainaldeko frontoi inguruarekin lotzen duen igogailua martxan dago, eta gorago eraikiko den igogailuarekiko lotura egingo duen arrapala mekanikoa ere bai. Baita Aperribai 34 eta 46 zenbakien arteko igogailua ere.

Orain, auzoaren behealdetik anbulategira arteko zatia erraz igotzea ahalbidetuko duen gailua eraikiko da. Auzokide guztien irisgarritasuna nabarmen hobetuko du neurriak, eta bereziki, osagilearengana joateko beharra dutenena.

Are, mugikortasunean, irisgarritasunean, erosotasunean eta zerbitzu publikoan aurrera egiteko helburu berberarekin, beste lan batzuk ere egingo dira igogailua eraikitzearekin batera: Dozena bat aparkaleku sortuko dira anbulategiaren ondoan, eta anbulantzientzako edo mugitzeko arazoak dituzten pertsonak hartu eta uzteko gune bat. Era berean, arrapalak eraikiko dira anbulatorio aurreko plazan, dauden koskak saihestuta irisgarritasuna hobetzeko.

Campezo enpresari esleitu zaizkio lanak 662.000 euroren truke.

noticias de deia