arratia - nerbioi

Etxebarriko ortu ekologikoetako bat erabiltzeko izena emateko epea ireki da

Eskaerak aurkezteko epea irailaren 2tik 30era bitartekoa izango da

09.02.2020 | 14:26
Etxebarriko Udalak zozketa bidez erabakiko du Aisialdirako 30 ortu Ekologikoren erabilera

Eskaerak aurkezteko epea irailaren 2tik 30era bitartekoa izango da

BILBAO. Izen-ematea aurkezteko eskaera eredua ETXEBARRI HAZ-n jaso ahal izango da. Herritarrentzat Arreta Zerbitzua (astelehenetik ostiralera 8:00 - 15:00), Etxebarriko Udalaren web orriko ingurumen ataletik jaitsita INGURUMENA > ORTUAK (www.etxebarri.eus) eta epostaz bidaliz (sac@etxebarri.eus) NAN erantsita, eta bereziki langabetuak, elbarrituak, jubilatuak eta gizarte bazterketa-egoeran dauden taldeko kideek azken hau ziurtatzen duen agiria batuz.

Aisialdirako ortu ekologikoak

Proiektatutako aisialdirako udal baratzeak eskaintza pedagogiko eta ekologiko bezala planteatu dira, hala nahi duten herritarrentzat. Lurra lantzeko eta bertatik jasotzen diren onurak kontsumo pertsonalerako erabiltzeko aukera izango dute. Aisialdirako eta ongizatea bermatzeko aukera bezala ere planteatu dira, eta bazterkeria egoeran dauden sektoreen gizarteratzea sustatzeko baliagarriak izango dira.

Orokorrean herritar guztiei zuzendutako jarduera ireki bat da, baina gizarteko talde behartsuenek lehentasuna izango dute. Baserriaren eta herriaren arteko lotura bat ere izan nahi du, naturarekiko errespetua sustatzearen aldeko apustua, naturaren aberastasuna baloratzen ikasteko modu bat, eta gure lurrarekiko loturetara itzultzeko.

Natura errespetatzeko modu bat da, bertatik fruituak lortzeko, nekazaritza ekologikoan eta naturarekiko errespetuan oinarrituz. Herritarrei baserri mundura hurbiltzeko aukera eman nahi diegu eskaintza ekologiko eta pedagogiko baten bidez, baliabide horretaz doan gozatu ahal izateko.