Durangoko Udalak obra-brigadarako ibilgailu elektriko berri baten hornidura lizitatu du

Durangoko Udalak udal obretako brigadarentzako ibilgailu elektriko berri bat hornitzeko lizitazioa jarri du abian. Ekimen honek, udalerriaren jasangarritasun energetikoa sustatzeko eta ibilgailu ekologikoen arloan indarrean dagoen legeria betetzeko helburua du.

Kontratuaren xedea bi plazako furgoneta motako ibilgailu komertzial arin bat hornitzea da, erabat elektrikoa eta Udaleko obra-brigadan erabiltzeko egokitua. Ibilgailuak ezaugarri espezifikoak izan beharko ditu, brigadaren eguneroko zereginetan funtzionaltasuna eta eraginkortasuna bermatzeko.

Parte hartu nahi duten enpresek ibilgailuaren eskaintzarako eskatzen diren gutxieneko ezaugarri batzuk bete beharko dituzte. Horien artean, honako hauek nabarmentzen dira:

• Furgoneta motako ibilgailua, gutxienez 480 kg-ko zama-edukiera eta 3,3 m³ edo gehiagoko karga-bolumena duena.
• Ibilgailuak 260 kilometroko gutxieneko autonomia eta gutxienez 50 kWh-ko bateria izan behar ditu, lanaldi osoan modu eraginkorrean erabiltzen dela bermatzeko.
• Era berean, ibilgailuak zero ingurumen-etiketa izan behar du, jasangarritasun-estandarrak errespetatzen direla bermatuz.

Gutxieneko ezaugarriez gain, karga-eremurako kalitate handiko apalategien eta tiraderen kit bat ere izatea, espazioaren antolamendua eta aprobetxamendua hobetzeko.

Ibilgailua hornitzeko lizitazioaren oinarrizko aurrekontua 49.973 €-koa da, BEZarekin. Horren barne sartzen dira ibilgailu osoa, eskatutako ekipamenduekin eta legeztatzeko beharrezko izapideekin.

Interesa duten enpresek 2025eko abenduaren 26ra arteko epea dute eskaintzak aurkezteko, kontratatzailearen profilean.