Ostiral honetatik igandera bitartean, hau da, abuztuaren 15etik 17ra, ospatuko dira Triano auzoko jaiak. Aurten, jai batzordeak auzoko hainbat elkarte eta saltokiekin batu ditu indarrak jardueraz betetako egitaraua prestatzeko.
Jai-eguna ostiralean hasiko da, 18:30ean, txosnaren irekierarekin eta, ondoren, pregoia eta txupinazoa irakurriz. Ondoren igel jokoa ospatuko da eta 20:30etan parrillada herrikoia izango da Zugaztietan. Eguna amaitzeko, Dj Blasterrek jai ibizenkoa egingo du, eta zuriz jantzi beharko da.
Larunbatean, eguna 10:00etan hasiko da, Los Cuatreros Kultur Elkarteak antolatutako XII. Zaldi Ibilaldiarekin. 13:00etan Zaldizkoen eta amazonen jaitsiera egingo da Trianoko Kale Nagusian. 15:00etan herri bazkaria plazan. Arratsaldean, 17:30ean, Lee Juniorrek joko du eta 19:30ean Super Bingoa ospatuko da. Gauean, 21:00etan, Trio Menta taldearen dantzaldia izango da, Pop Rockeko patxanga eta klasikoekin. Amaitzean, musikak txosnan jarraituko du.
Igande eguerdian irekiko da paella lehiaketarako izena emateko epea. 12:30ean haurrentzako pintura-tailerrak, eskulanak eta jolasak izango dira, baita arratsaldean ere, 17:00etatik aurrera. 14:30ean izango da parte hartuko duten taldeen paellak aurkezteko unea. Arratsaldean puzgarriak egongo dira haurrentzat ACHAren laguntzarekin 16:30etatik aurrera. 18:00etan txokolatada egingo da Las Chicas de Oro taldearen eskutik eta 18:30ean Txikifesta DJ Pacorekin. Sorpresak egongo dira txikientzat. 20:30ean parrillada herrikoia egingo da Trapagarango Josemi harategiaren eskutik eta 21:30ean jaien amaiera iritsiko da.
