Aldi baterako Enplegu Proiektu Integral bat garatuko du Ermuak

Proiektuak 200 prestakuntza-ordu izango ditu, banakako lan-prestakuntzako 10 ordu eta, ondoren, lanaldiaren % 75eko lan-kontratua ordutegi jarraituan, sei hilabetez lehentasunezkotzat jotzen diren kolektiboetako 12 langaberentzat eta Lanbide-Euskal Enplegu Zerbitzuan izena emanda daudenentzat.

Lanpostuen profila ondorengo hau da:

• Herri-lanetako peoiaren 12 lanpostu, oro har. Langabetuak eta lehentasunezko arretako kolektiboren batekoak.

Gainera, proiektu honi lotutako beste hiru kontratazio egongo dira.

• Lorezaintzako eta garbiketako irakasle-postu 1.
• Lorezaintzako eta garbiketako arduradunaren postu 1.
• Programako administrari lanpostu 1.

Enplegu Proiektu Integralaren helburua da laguntza integraleko ibilbideak garatzea proiektuaren hartzaile diren langabetuak gizarteratzeko eta laneratzeko. Hau da, parte-hartzaileei gaitasun profesional baliagarriak ematea, lan bat lortzeko aukerak hobetzeko, beren autoestimua hobetzeko eta beren berrespen profesionala hobetzeko. Lan-gaitasunaren maila handitzeak ondorio zuzenak ditu parte-hartzaileen posizionamenduan, bai lanpostu bat lortzeko, bai bizitzarako oro har. Enplegu Plan Integral honen bidez, interes publikoko obrak edo zerbitzuak landuko dira, hala nola udalerriko hiri-ingurunea eta ingurune naturala mantentzea. Baita espazio publikoak eta hiri-altzariak garbitzea ere.

Pertsona horiek tokiko eremuan onura publikoko eta gizarte-intereseko jarduerekin lotutako lanak egingo dituzte, erakundean lan egiten duten egituradun langileak ordezkatzea ekarri gabe.

Hautagaien betekizunak

Programan parte hartuko duten pertsonek langabezian egon beharko dute, Lanbide-Euskal Enplegu Zerbitzuan izena emanda eta enplegu-eskatzaile gisa alta emanda, hautaketa-prozesurako hautagaitza aurkezten dutenean eta lan-kontratua hasi aurreko egunean. Ermuan eta/edo Mallabian erroldatuta dauden pertsonei emango zaie lehentasuna.