Irailaren 23tik 25era ospatuko da 'Zirkualde' programa

Datorren asteko asteburuan, irailaren 23tik 25era bitartean konkretuki, zirkuaz gozatzeko aukera izango dute bilbotarrek, egun horietan Zirkualde Zirku-Arteen jaialdiaren edizio berri bat ospatuko baita Errekalde plazan. Bertan, zazpi konpainiak zirkuarekin erlazionaturiko ekintzak (malabareak, kale antzerkia, akrobaziak, eta abar) egingo dituzte.

Halaber, jaialdiarekin bat eginez, Euskal Zirku Elkarteak (EZE), Euskal Herriko zirku arteetako profesionalak biltzen dituen taldeak, urteko batzarra egingo du irailaren 22an, 11:00etan, Errekaldeko Udaltegian.

Sarrera doakoa izango da eta Errekalde plazara hurbiltzen denak ostiralean, hilak 23, ikusi ahal izango ditu D´Es Tro Cía-ren “Poi” ikuskizuna (19: 00etan) eta La Mecánica eta “Water falls” ikuskizunak (20:00etan). Larunbatean, hilak 24, Alas Circo Teatroren txanda izango da, “3en1” (19:00etan) eta Seón konpainiaren “Infinit” (20:00etan).

Zirkualdek igandean, hilak 25, agur esango dio bere publikoari, programazioz betetako egun batekin, Barré Cíaren eskutik, eta "Nao, Now, Nau" ikuskizunarekin (12: 00etan). Ondoren, Xampatito Pato konpainia eta "Só" ikuskizuna izango dira (13: 00etan).

Arratsaldean, Zirkozaurre, Café De Las Artes eta Logrocirco taldeen txanda izango da, eta elkarrekin agurtuko dute edizio hau, “Cabaret Tan Circa” eskutik, 18:00etan.

Azken ikuskizun hori Bilboko, Santanderreko eta Logroñoko udalek ematen dituzten “Tan Cerca” laguntzen esparruan sortu da. Laguntza horien helburua hiru hirietako tokiko kultura-sektorea bultzatzea eta baterako jarduerak garatzea da. Ildo beretik, Errekaldek aurten zirku garaikidearen sektorea ardatz izan duten urteroko Jardunaldi Profesionalak hartu ditu gaur.

Programazioa

Errekalde Plaza

Ostirala, irailak 23

• 19:00etan.D´ES TRO CÍA - “Poi”. Haurtzarotik bere tronparen efektu giroskopikoak harrapatutako gizona. Nahaste eta korapiloz betetako bidaia, gure bizitzako egoerarik garrantzitsuenetakora, jokora, eramaten gaituena. Tronpa jolas magiko eta antzinakoa da, sei mila urte baino gehiagoko historia duten bira hipnotikoak dituena. Zirkuko arteak tronparen joko ezagunarekin eta kultura mediterraneoaren sustraiekin batzea da ikuskizun garaikide honen helburu nagusia. Gaur egun, Guillem Vizcaíno da tronpak manipulatzeko estilo libreko munduko txapelduna.
• 20:00etan. LA MECÁNICA - “Water falls”. Zorigaiztoko osagai bat duen bakar-lan bat. Kale-antzerkia eta antzerki fi¬sikoa pieza bakar batean fusionatzen dira, non artista harro baten ametsa amesgaizto bihurtzen den, elementuak eta publikoa tartean sartzen diren heinean; horrela eramaten du publikoa goitik behera 30 minututan. Dozenaka ontziz inguratuta, arazoak areagotu egiten dira larritasunak beti irabazten duela konturatzen denean, eta gutxien espero duenean, ura erori egiten dela ikusten duenean.

Larunbata, irailak 24

• 19:00etan. ALAS CIRCO TEATRO - “3en1”. Izerdia, esfortzua, malkoak, erresistentzia, denborak, aieneak, kon¬antza, estropezuak, eta poz handiak oraindik zailenera iristeko. Ahá! Circo lanbide edo grina bereko bost bidelagun elkartzen diren tokia da. Bidean lagun egiten dieten pertsonengan konfi¬antza izan dezaketela ulertzea da, eta “garelako naiz” esamoldearen froga enpirikoa da. Akrobaziak nonahi, bankinak, bihurrikatzeak, hegaldiak, malabareak eta aireko mugimenduak dira, besteak beste, eszenan beren onena ematera eramango dituzten teknikak.
• 20:00etan. SEÓN - “Infinit”. Eta ezerk ez balu hasierarik edo bukaerarik? Edo, behintzat, ez bagina gai argi eta garbi zehazteko non kokatzen diren? Eta nik laburpen hau idazten dudan bitartean ikuskizuna gertatzen ari bada? Eta irakurtzea ikuskizunaren partea bada, hasi baino minutu batzuk lehenago edo txaloak itzali eta urte batzuk geroago irakurtzen ari zara ere? Infi¬nit, ikuspegi umoretsu eta zientifi¬ko eta ¬filoso¬ko batetik, errealitatearen muga lausoak planteatzen dituen lana da, tesi zentzugabe eta itxuraz ergelarekin, baina oso jarrera adimentsua ezkutatzen duena. Akrobaziekin, dantzarekin eta Washington trapezioarekin batera, zirkuko talentu gazte bi iritsi dira beren teknikarekin itsutzeko eta teoriekin harritzeko prest.

Igandea, irailak 25

• 12:00etan. BARRÉ CÍA - “Nao, Now, Nau”. Euskal arrantzaleak eta haien arazoak. Familiak kaian utziaz, ur gaziaren sakontasunak eskaintzen dien ziurgabetasunean eta arriskuan bete-betean itsasoratzen diren arrantzaleak. Itsasoarekiko eta beren ohiturekiko maitasunak eta errespetuak gidatutako bizimodu bihurtuz beren lanbidea. Ikuskizun honek bizitzaz hitz egiten du, profesionalki jardun ez arren egunez egun ametsak eraikitzen jarraitzen duten arrantzale horiei buruz. Publikoa, ontziko tripulatzailetzat hartuta, klownetik eta zirkuko arteetatik nabigatzen ozeano poetiko batean. Itsas zeharkaldi partekatu honetan jolastea, imajinatzea eta sentitzea.
• 13:00etan. XAMPATITO PATO - “Só”. Jesus Velasco malabarista galiziarrak teknika ez gehiegi hedatu baten (are gutxiago ikuskizun oso baten abiapuntu gisa) ikerketaren emaitza den pieza bat aurkeztuko du: "Cigar boxes" edo kaxekin egindako malabareak. Hala, lanak malabareak eta beste elementu batzuen manipulazioa baditu ere, hala nola pilotak edo erreboteko pilotak, kutxa horiek ekarriko dituzte estetika, hari eroalea eta giroa ikuskizunean. Pertsonaia dibertigarri eta maitagarria mundu koadrikulatu honetan bizi da, non monotoniatik atera ahal den jolasaren bidez.
• 18:00etan. ZIRKOZAURRE, CAFÉ DE LAS ARTES Y LOGROCIRCO - "Tan Circa”. "Tan Circa” zirkuko kabaret entretenigarria da, zeremonialari karismatiko batek zuzendua, hainbat diziplinatako zirku-numero ikusgarriak dituena. Izan ere, ikusleak aireko akrobaziekin, malabarrekin, bertikalekin, cyr gurpilekin, hula-hoopekin, monizikloekin eta abarrekin entretenitzen ditu. Kabaret honetan Santander, Logroño eta Bilboko artistek hartuko dute parte. Hiru lurraldeetako onena elkartzeko eta zirkua bertatik bertara ezagutzeko modu berri eta originala. Baterako lan honen emaitza izango da ekitaldi originala, dibertigarria eta zirkuz betea! Lankidetza hau "Tan Cerca" ekimenetik sortu da.