Bihartik aurrera

Terrazetako espazio publikoa zabaltzeko baimena eman du Donostiak

10.05.2020 | 04:00

DONOSTIA. Bihartik aurrera, terraza duten tabernak pertsiana igo ahal izango dute denbora luze itxita eman eta gero. Hala, Donostiako Udalak baimena eman die hiriko ostalariei terrazetako espazio publikoa zabaltzeko, bezeroen segurtasuna eta oinezkoekiko bizikidetza bermatzen bada. Neurri honen helburua ostalaritza eta merkataritza nolabait berpiztea eta sustatzea da.

Donostiako Udala datorren astelehenetik aurrera hasiko da terraza duten ostalaritza-establezimenduek haien okupazio-eremua zabaltzeko baimenak izapidetzen, ezarritako baldintzak betez. Horretarako, Donostiako Udalaren webgunean erlaitz espezifiko bat sortuko da, eskabidea egin ahal izateko, izapideak ahalik eta azkarren eginez.

ERAKUSTOKIAK

Bide publikoan erakustokiak edo antzeko instalazioak jartzen dituzten saltokiei ere utziko zaie, baldin eta espaloia gehiegi inbaditzen ez badute eta hiriko eguneroko bizitza oztopatzen ez badute, eta Jabari eta Erabilera Publikoko eremuetako okupazioak arautzen dituen ordenantzarekin bat etorriz. Horretarako, establezimendu interesdunek dagokion baimena eskatu beharko dute.

PLAZA IREKIETAN, ESPALOI ZABALEKIN

Establezimendu guztiek ezin izango dute neurri hori baliatu, espaloi estuak dituzten kaleetan edo inguruko beste lokal batzuetan daudelako, eta lokal horien espazioa ezin delako inbaditu. Beraz, neurria egin daitekeen eremuetan ahalbidetzea da helburua. Egingarriagoak izango dira plaza irekietan, espaloi zabalekin, bide estuagoetan baino. Alde Zaharra, duen tipologiagatik, ezin izango da handitu, Zuloaga plazan izan ezik.

noticias de deia