SATSEk gehiegizko lan kargak salatu ditu Arabako GOFEren erresidentzietan

Gizarte Ongizaterako Foru Erakundetik urteak daramatzate euren zentroetan egon diren aldaketak salatzen: “Eboluzio demografikoak, bizi itxaropena handitzeak eta Mendekotasun Legea indarrean jartzeak, erresidentzietan mendekotasun larria eta handia duten pertsona gehiago egotea eragin du, eta zentro horiek ospitale geriatriko bilakatu dira”, adierazi du GOFEk.

SATSEk gogorarazi nahi du osasun zainketa profesionalaren beharra hazi egin dela erresidentzietan eta GOFEren zentroetan, eta era berean erabiltzaileen menpekotasunak gora egin duela. “Pertsona horietako askok mendekotasun maila larriak eta handiak pairatzen dituzte, patologia anitzeko gaixotasunak direla-eta. Gainera, eritasun horietako gehienak kronikoak eta endekapenezkoak dira, eta ohikoa baino zainketa maila handiagoa behar izaten dute”.

SATSErentzat oinarrizkoa da zentro horien izaera soziosanitarioa definitzea, gaur egun beharrezkoak diren baliabide teknikoak eta giza baliabideak egokituz. “Horrela baino ezin izango diegu erantzun giza beharrizanei eta eskari asistentzial handiari”.

Urteko 365 egunetan, 24 orduz osasun arreta eskaini behar den arren, sindikatuak salatzen du egun, erresidentzia batzuetan ez dela arreta hori ematen. Horrez gain, erresidentzia gehienetan erizain-paziente ratioa ez da nahikoa. “Txagorritxuko erresidentzian, adibidez, gaueko txandan erizain bakarra dago 150 pertsona