La primavera perenne del euskera en Bilbao

Bilbao. El hombre que puso los cimientos de dos ikastolas y que gracias a ello consiguió una primavera continua del euskera en Bilbao falleció el pasado 31 de octubre. Gabin Azaola Artolazaga era de la calle Iturriaga, junto a Santutxu. Junto a los Iñaki Zabala, José Miguel Arrieta, José Luis Kerejeta o Joseba Arrieta hicieron florecer la linguae navarrorum en el botxo. Gabin fue -para los totalitaristas gobernantes de entonces- el culpable. La misa de salida por su alma se oficia hoy en San Francisco de Asís de Hurtado de Amezaga a las 13.00 horas.

Primero lograron su objetivo de garantizar a nuevas generaciones la lengua materna en El Carmelo. El sueño fue tomando tal dimensión que gracias a su tía Concha Azaola, se construyeron unos locales allá por el 74 o 75. Por diferencias de ideologías, se dejó El Carmelo y nació Kirikiño Ikastola. Concha cedió unos locales y el nombre del centro resultó en honor del escritor mañariarra que había sido profesor de la tía de Gabin. "Gabin era el alma máter, el promotor", le reconoce Joseba Arrieta y agrega que "era sencillo y humilde. Nunca levantó el pecho para que le colgaran una medalla. Es más creo que no la hubiera aceptado". Desde Kirikiño Ikastola, sin embargo, su presidente, Mikel Rabanal, le dedica en esta sección unas palabras para su recuerdo.

"gizon ameslaria" Idazten paratu naizenean zalantza sortu zait, zoritzarrez, oraindik askotan izaten dugun zalantza sakona; zein hizkuntzatan egingo dut? Gaztelaniaz ala euskeraz? Gaztelaniaz eginez gero askoz ere jende gehiagok ulertuko du testua, baina Gabin ezagututa euskeraz egitea erabaki dut. Hizkuntza honen alde etengabeko lanean aritu baita bere bizitza osoan.

Izenburuan Gabin gizon ameslaria izan dela esan dugu eta hala da, amets batzuk izan ditu gure Gabinek, nabarmenenak: Familia, Ikastola eta Euskal Herria, besteak beste. Hiru amets nagusi horiek egia bihurtu zaizkiola esan ahal da.

Familiarena oso nabarmena da, familia ugari batetik zetorren eta berak ere bere emaztea zenarekin, Ana Maria Estevezekin, familia ugaria osatu du. Familia luze batetik Familia Handi bat lortu dute. Lehengo egunean, hileta elizkizunetan bera biloba batek aititeri eta amamari dedikatu zizkien hitz ederrenetan dugu horren isla garbia.

Beste alde batetik, ikastola dugu, Kirikiño Ikastola, hain zuzen ere. Gabinek eta beste batzuek 1977an sortu zuten Ikastola dugu hau. Garai latzak izan ziren, bilerak, eztabaidak, egun luzeak, denak gogorrak, baina helburu sendo bat zuten: Kirikiño Ikastola. Garai haietan Gabinen izaera oso garbi ikusten zen, zarata egin barik, oihuka ibili barik bere presentzia nabarmentzen zen eta bere iritziak pisu handikoak izan ziren egitasmo berri horretan. Hori gauzatzeko, bere familian erabilitako eredu bera ere erabili zuen, elkarrekiko errespetua, bizikidetasuna; honen harira, Bakioko etxean eta Barrikako baserrian hasierako maisu-maistrek egindako asteburuko elkarbizitza jardunaldiak aipatu behar dira. Domeketan ere ikastolako gurasoak eta euren seme-alabak joaten ziren Barrikara elkarrekin egoteko. Ikastola familia handiago bat zuen Gabinek.

Elkar ezagutza horretatik proiektu tinko bat gauzatu zen, Kirikiño Ikastola. Egitasmo horretan, oso esku zabal jokatu zuen Gabinek eta asko jarri zuen Ikastolaren alde, gainera lan horretarako, ordutegirik gabeko pertsona izan zen.

Hirugarren ametsa aipatu dugu Euskal Herria izan dela. Euskal Kulturaren eta gure hizkuntzaren alde eten gabeko lanean aritu izan da. Oso amets polita, Euskal Herria, euskalduna!! Lortuko ahal dugu!! Ez larritu Gabin, kanpotik etorritako asko eta asko dira zulakook ispilu eta eredu izan dituztenak, eta gure hizkuntza ikasi dutenak.

Hiru ametsak lotuta daudela esan daiteke, bidean datoz, lanean jarraitu behar, ondorengooi dagokigu helmugara heltzea. Ikastolaren aldetik, ahaleginak egingo ditugu, langa oso altu dugu, eta badakigu indar handiz saiatu arren ez garena zure maila berera helduko, baina zuok eraikitakoari eutsiko diogu! Eskerrik asko, Gabin, amestutako proiektuak erakusteagatik eta horiek gauzatzeko bidea irakasteagatik.

Agur Jauna. Agur t´erdi.