Getxoko Udalak aurrera darrai ingurumena babesteko eta garapen iraunkorra indartzeko erronkarekin. Oraingo honetan, Udaltzaingoaren ibilgailuen flota handitu egin du, Co2 partikulen maila baxua duten lau ibilgailu elektriko erosiz. Ibilgailu berriek DGT "0" emisioen ingurumen-bereizgarria dute, eta Euro 6 emisioen araudia betetzen dute baita ere.
Egungo gobernu-taldearen jasangarritasun-planak (2020-2023) 114 ekintza lehenesten ditu, besteak beste, udalerria erreferente bihurtzea mugikortasun jasangarrian, zero isurketen udal-flota bat pixkanaka ezarriz.
Ibilgailu horien ezaugarriek aukera ematen dute lan-txanda oso bat modu elektrikoan egiteko, eta egoerak hala eskatzen badu, errekuntzako motor osagarria erabil daiteke. Badute atxilotuen kit bat, segurtasun pasiboko hainbat elementu eta lau gurpiletan trakzioa egiteko aukera. Gainera, ibilgailuetako bik kanpoko desfibriladore automatikoak dituzte. Lizitazioan eskatutako ezaugarriak kontuan hartuta, bai herritarren bai polizien segurtasunari eman zaio balioa.
UDAL-FLOTA JASANGARRIA
Gaur egun, Udalak 11 kamioi, erratz-makina 1 eta 2 GNC furgoneta ditu (gas naturalez); 2 ekortzeko makina, 10 garraio-ibilgailu, azterketa-ibilgailu 1, 7 furgoneta eta 2 azterketa-triziklo elektriko, eta 5 ibilgailu ikuskapen hibrido elektrikorako, zoladurak mantentzeko, galtzadak konpontzeko eta berritzeko, kaleak garbitzeko, argiak jartzeko eta lorezaintza lanetarako. Udaltzaingoak dagoeneko baditu 7 ibilgailu hibrido.
Getxok ibilgailuentzako kargatze elektrikoko 13 gune ditu: Kirol Portuan, Manuel Gainzaren lurpeko aparkalekuan, Fadurako kiroldegian eta Santa Klara finkan (Bulego Teknikoa). Horrez gain, Larrañazubiko ingurumen-gunean "gasindegi" bat dago, udal ibilgailu-parkeko ibilgailu jasangarrientzat.
