Datorren astelehenean, apirilaren 26an, ireki egingo du Barakaldoko Udalak uztailaren 1etik 26ra bitartean egingo diren udalekuetan parte hartzeko izena emateko epea. Aurten 700 plaza eskainiko dituzte, bi txandatan banatutakoak, eta Gurutzeta eta Erdialdeko hainbat ikastetxetan egingo dira jarduera gehienak. Aurreinskripzioa egiteko epea apirilaren 26an itxiko da. Izen-ematea goitza elektronikoaren bidez edo 010 telefonora deituz egin daiteke, eta baita kultur etxe eta zentro zibikoetan ere.
Jarduera Barakaldon erroldatuta dauden 3 eta 11 urte bitarteko haurrei zuzenduta dago. Hilabetea bi txandatan banatuko da, uztailaren 1etik 12ra eta uztailaren 15etik 26ra (16a eta 25a barne, jaieguna izan arren). Juan Ramón Jiménez, Ibaibe, Arteagabeitia eta El Pilar ikastetxeek 700 adingabe hartuko dituzte, eta euskarazko eta ingelesezko jarduera ludikoekin gozatuko dute. Plaza horien % 5 dibertsitate funtzional fisiko edo psikikoa duten haurrentzat gordeko da, baldin eta gutxienez % 33ren onarpen ofiziala badute.
Hiriko udalekuek aukerako jantoki-zerbitzua dute familientzat. Parte-hartzaile guztientzako sarrera ordutegia 8:15etik 9:00etara bitartekoa izango da. Irteera-ordutegiak desberdinak izan daitezke jantoki zerbitzua dela-eta, egindako aukeraren arabera. "Jantokia ez" aukera egin dutenentzako irteera-ordutegia 14:00etatik 14:15era bitartekoa izango da. "Jantokia bai" aukera egin dutenentzat, berriz, 15:00etatik 15:15era bitartekoa.
Izen-emateak apirilaren 26ra arte
Barakaldoko Udalak datozen asteetan irekiko du udalekuetan izena emateko epea. Zehazki, apirilaren 22tik 26ra bitartean eman ahal izango dute izena familiek, egoitza elektronikoaren bidez. Horretarako, beharrezkoa da B@kQ ziurtagiri elektronikoa izatea, Herritarrentzako Arreta Zerbitzuaren (HAZ) bulegoetan doan lortzen dena. Izen-ematea telefonoz ere egin daiteke, 010 zenbakira edo zentro zibikoetako eta kultur etxeetako telefonoetara deituz, ohiko ordutegian. Tokiak zozketa elektroniko bidez esleituko dira, maiatzaren 6an.
Udalekuetan onartuz gero, autolikidazioa aurreinskripzioetan adierazitako helbide elektronikoetara bidaliko da, eta, beraz, mezu horri adi egoteko eta ohiko postontziari eta spam postontziari begiratzeko eskatzen da. Jaso ezean, herritarren arretarako bulegoetan, Zentro Zibikoetan eta Kultur Etxeetan eskatu ahal izango da, edo laboin@barakaldo.eus helbidean, adingabearen izena eta esleitutako kolonia adieraziz.
Udalekuek deskontuak dituzte jardueran seme edo alaba bat baino gehiago apuntatzean. Horretarako, dagokion tartea baino txikiagoa aplikatzen da, seme-alaba bakoitzeko familiaren diru-sarreren arabera. Gainera, udalekuen prezioa ez da aldatuko jantokiarekin edo gabe errenta txikieneko tarteen artean. Bai, ordea, errentarik altuenetarako finkatutako prezioetan, 51,80 eta 92,20 euro artekoa izango baita jantokirik gabe, eta 61,90 eta 112,40 euro artekoa jantokiarekin.
