Síguenos en redes sociales:

Bertsolaritzak lekua du ‘Aulki-jokoa’n

Bertsolaritzak lekua du ‘Aulki-jokoa’nArgazkia: ETB

Gaueko 22.30etik aurrera. Gaur hasiko da ETB-1en Aulki-jokoa, Bertsolari Txapelketa Nagusia ardatz hartuta, bertsolaritzari buruz arituko den saio berria. Edurne Azkaratek aurkeztuko du eta hainbat lagun izango ditu bere ondoan astean zehar. Bertan izango da Andoni Egaña, esaterako; Bertsolari Txapelketa Nagusiko finalaurrekoetako saioen berri emango du, eta horrez gain, egungo bertsolaritzaren gakoak eskainiko ditu, astero. Gainera, saio bakoitzean, Juantxo Zeberio musikariak bertso-doinu bat ekarriko du eta aurkezlearekin batera, bertso-doinuen jatorrizko abestiak eta bertsotarako egindako moldaketak aztertuko ditu. Bertsolariak, Txapelketako antolatzaile eta parte-hartzaileak, aktore, kirolari eta idazle ezagunak izango dira, besteak beste, Azkarateren bidelagunak abentura berri honetan.