Meaztegiko zelaiak goi mailako golf-txapelketa bat jasoko du irailean. PGA-k eta Bizkaiko Foru Aldundiak 'Bizkaia PGAe Open' izeneko txapelketa sortu berri dute, irailaren 12tik 17ra bitartean ospatuko dena. Txapelketa hau mende honetan Bizkaian antolatu den golf txapelketarik garrantzitsuena izango da.
Txapelketa, 2022an Euskadin egingo den garrantzitsuena izango dena, puntuagarria izango da munduko golf rankingerako, eta, beraz, golfari nazional onenak eta nazioarteko jokalarien ordezkaritza izango dira bertan. PGA Spain Tour, Espainiako PGAren 50. urteurrenaren denboraldiko bosgarren proba izango da.
Lehiaketa berri honek bat egiten du PGAe, Espainiako Golf Profesionalen Elkartearen, 50. urteurrenarekin. Elkarteak jokalari profesionalak biltzen ditu eta kirolari profesionalen elkarteetan zaharrena da.
"Bizkaia PGAe Open" txapelketaren helburuetako bat golfa Bizkaiko biztanleei hurbiltzea da, titulartasun publikoko Meaztegi bezalako zelai bat dagoela aprobetxatuz.
Txapelketa profesionalarekin batera, Pro-Am txapelketa bat izango da, non jokalari afizionatuek jokalari profesionalekin lehiatzeko aukera izango duten.
Txapelketa honek helburu solidarioa ere izango du eta oraintsu hil den Carlos Celles gogoratzeko balioko du. Carlos Celles golfaren aitzindarietako bat izan zen Espainian eta Bizkaian bizi zen 1960tik, eta PGAren sortzaileetako bat izan zen.
MEAZTEGI GOLF-I BURUZ
Meaztegi Golf Club Zugaztietan dago eta Bizkaiko Foru Aldundiaren jabetzako golf zelai publikoa da. Zelaia 2005ean inauguratu zen eta Severiano Ballesterosek diseinatu zuen. Meaztegi Golfek antzinako Trianoko meatzaldeko 88 hektarea hartzen ditu eta 18 zuloko golf-zelaia du, 6.154 metroko ibilbidea duena (72 parea); ibilbideak guztira 52 bunker ditu. Halaber, 9 zuloko zelai bat du, 3 parea, 10 bunkerrekin.
Golf-instalazioak praktiketarako zelai handi batekin osatzen dira (altuera bikoitzeko tee-arekin eta bi muturretatik praktikatzeko aukerarekin); bi putting-green eta chipping eremu bat ere baditu, guztiak Klub Etxearen inguruan.
