Alvaro Soler abeslari eta konpositore katalanak urriaren 16an Euskalduna Jauregiko Auditriumean joko duela iragarri du. Kontzertua 19:30ean hasiko da, eta "en Tu Piel Tour" biraren barruan kokatzen da. Sarrerak salgai daude 42 euroan (kudeaketa gastuak barne) ohiko bideetan.
Kataluniako kantariak Euskaldunan eskainiko duen kontzertuak ikus-entzuleen partaidetza izango du. Beraz, showa paregabea izango da. Formatu berri horretan Soler orain arte inoiz egin ez duen bezala biluztuko da abesti eta une bakoitzean, musikaren eskutik inprobisazioa bilatuz, konposizio-prozesuan zehar sortzen den bezala. Ustekabekoa magia da, eta magia alaitasuna€
Urte eta erdiko etenaldiaren ondoren, eta bi album, Eterno agosto (2015) eta Mar de colores (2018), atzean dituela, Alvaro Soler 2021ean itzuli zen "Magia" izeneko estudioko bere hirugarren albumarekin eta, lan berri horrekin batera "En tu piel" bira berria.
Alvaro Solerren biografia
La Cintura, Sofia, El mismo sol, Magia€ Denok abestu dugu noizbait kanta horietakoren bat. Baina nor dago musikaren atzean? Europako pop musikako artista paregabea eta berezia.
Askok hamarkada askoren ondoren lortu dutena 7 urtetan lortu du Solerrek: bere abestiek Europa eta Latinoamerika osoko arrakasta-zerrendetara eta mundu osoko eszenatokietara eraman dute; urrezko eta platinozko 150 disko baino gehiago jaso ditu, eta 5,2 bilioi streaming baino gehiago ditu bere plataformetan.
