Ramon Barea eta Itziar Lazkano antzerkiarekiko maitasun kantua eskaintzen dute Hoy lanean

BILBAO. Ramon Barea bera eta Felipe Loza dira testuaren egileak, La Galleta del Norte literatur tailerraren, 1983an Barakaldon sortutako laborategi subertsiboaren, laguntzarekin. Horren ostean hainbat egile ezkutatzen dira, antzezlan labur bikainak eta oso esperimentalak sortzeko.

Tadeus Wolsky zuzendari poloniar bitxiak zuzentzen du Hoy, última función lana, Felipe Lozak eta María Lempickak lagunduta. Pabellón Nº6ren ekoizpen lanaren eszenografia Jose Ibarrolarena da, eta jantziak Enriqueta Vegarenak eta Fernando Arzuagarenak. Bi elementu horietan Arriaga Antzokiak berak ere laguntzen du. Bestalde, Iñaki García arduratzen da argiztapenaz, eta Ángela Magañarena da soinu espazioa.

Ercilla Saria, Euskadiko Antzezleen Batasunaren Saria edo Rosa Agirre Saria bezalakoak lortu dituen antzezlanak, antzerkiarekiko maitasun kantu sutsu izan nahi du. Bi antzezleek, Ramon Bareak eta Itziar Lazkanok, bizitza errealean senar-emazte izan ziren Niceforo eta Semiramis antzezle bikotea antzezten dute. Bikoteak irudizko azken funtzioa ospatuko du, eta bertan irudizko pertsonaiek hartuko dute parte: Godot, Ionesco, Juan Tenorio, Stanislavski? ia ehun pertsonaia guztira. Niceforo eta Semiramis eurekin bizi dira, eurekin hitz egiten dute, haserre egiten diete edo galderak egiten dizkiete, azken funtzio handia egin aurretik.

Hoy, última función lanak bi pailazo serio erakusten dizkigu, bi komiko, euren nahiaren kontra bada ere, antzerki munduko eta bizitzako bi kide, krudelak, harrigarriak eta harrituak, eszenatokian bizitzea erakusten duen antzerki ekintza zeremoniatsu eta aurreikusiezin horretan.

SARRERAK

8 eta 12 euro artean

Salgai www.teatroarriaga.com helbidean, 946 850 850 telefonoaren bitartez edo antzokiko txarteldegietan, aurretiazko salmenta ordutegian.