The Dragtones taldea Bilbon izango da datorren irailean

BILBO. "Nazioarteko cocktail indartsua" osatu dute rock'n'roll eszenako bandarik ezagunenetako batzuetako kideek. Izan ere, Los Angeleseko Luis & The Wildfires taldeko Luis Arriaga (ahotsa); The Barbwires, The Hi-Winders eta The Intruders-eko Mike Barbwire (gitarra eta baxua); The Hi-Winders eta The Intruders-eko Per "The Hammer" Thorsell (gitarra); The Hi-Winders eta Whale-ko Jörgen "Jugglo" Wall (bateria); eta The Hives-eko Vigilante Carlstroem (gitarra) dira taldekideak.

The Dragtones taldeak 1950eko hamarkadako bukaerako urteetako eta 1960ko hamarkadako hasierako rock'n'rolla "modu zoro eta basatian" jotzen du, eta lehen aldiz izango dira Euskal Herrian.