Lehenengo edizioa

Larrea ikastetxeak 'Jasangarritasunean hazi' lehiaketa digitala irabazi du

14.06.2021 | 17:19

Barakaldoko Larrea ikastetxeko Lehen Hezkuntzako bosgarren mailako ikasleek irabazi egin dute Alfonso Líbano Firestone Fundazioak eta Greenpower Iberia hezkuntza-elkarteak antolatutako 'Jasangarritasunean hazi' ekimenaren lehenengo edizioa. Lehiaketa hau Barakaldoko Garapen Iraunkorra eta Ingurune Naturala eta Kultura, Hezkuntza, Euskara eta Gazteria arloen eta Bizkaiko Ingeniarien Elkargoaren bitartez garatu egin da.

Lehiaketaren helburua da udalerriko ikastetxeetan Greenpower programa zabaltzea. Programa horren helburua mugikortasun jasangarria eta STEM trebetasunak (zientzia, teknologia, ingeniaritza eta matematika, ingelesezko siglak) bultzatzea da.

Larrea ikastetxeak diploma bat jasoko du sari gisa, Lehen Hezkuntzako 5. mailako ikasleentzat, bai eta bi kit ere, Greenpower Iberia-Bridgestone Nazioarteko Zirkuituko probetan parte hartzeko ibilgailu elektriko bana muntatzeko, "Goblin" modalitatean (9 eta 11 urte bitarteko neska-mutikoak).

Mugikortasunaren Europako Astean emango diote saria ikasgela irabazleari, irailaren 16tik 21era, lehiaketaren oinarrietan adierazitakoaren arabera.

Gogorarazi behar da, aurten "Greenpower Iberia-Bridgestone Nazioarteko Zirkuitua" Barakaldon egin dela, baita beste hiri batzuetan ere. Bizkaiko herri honetan garatu zuten ekimena, Alfonso Líbano Firestone eta Greenpower Iberia Bridgestone fundazioak, Alba Delgadok eta Miguel Ángel Gómez Viarrek, hurrenez hurren, zuzendutako Garapen Jasangarriaren eta Ingurune Naturalaren udal arloarekin eta Garraioen eta Mugikortasun Jasangarriaren foru-sailarekin batera.

 
noticias de deia