Punta Begoñako galeriek Zientzia, Teknologia eta Berrikuntzaren Astea parte hartuko dute

Inskripzioak hemen egin daitezke

BILBO. Bisita gidatuetan, galerietako txokoak gordetzen dituzten istorioak eta sekretuak transmitituko dira, pasadizo, ipuin eta istorioz beteriko ibilbideetan barrena ibiliz, eta testuinguru fisiko eta historikoan kokatuz zeintzuk diren benetakoak eta zeintzuk interpretazioen, fantasien eta kondairen fruituak.

Inguratzen dutenarekiko jakin-mina sentitzen duten pertsona guztientzako hitzordua da. Horrela, gazteek edo adinekoek, haurrek edo nerabeek, zientziara modu atseginean hurbiltzeko aukera izango dute, berarekin egunez egun lan egiten dutenen eskutik; kasu honetan, Kultura Paisaien eta Ondarearen Unesco Katedrako ikertzaileen eskutik antolatuko dira bisita gidatuak. Baldintza bakarra jakin-minez eta ondo pasatzeko gogoz hurbiltzea da, eta gomazko zolaz itxitako oinetakoak eta berokia eramateko gomendioa egiten zaie.

"Kondairazko ibilbideak" azaroaren 6an, 7an eta 8an egingo dira, 16:00etan, eta larunbatean, hilak 9, 12:00etan, gaztelaniaz. Iraupena 60 minutukoa izango da. Taldeak publiko guztiarentzat egongo dira zabalik, eta talde bakoitzak gehienez 25 lagunentzako lekua izango du.