ERMUA. Ermuko Gizarte Ongizatea eta Udaleko Gizarte Zerbitzuak euren zerbitzuak eskaintzen jarraitzen dute, alarma egoera egon arren, hainbat neurri eta gomendioei kasu eginez, eta barne-protokolo bat jarraituz.
Udal langileak uztartzen ari dira etxetik lan egitea eta bertan egotea, nahiz mugak batzuk eduki:
- Aurrez aurreko arretaren ordez, telefono bidezkoa eta telematikoa egiten ari.
- Arreta ordutegiak luzatu egingo dituzte.
- Herritarrei dei egin diete pertsona ahulen egoerak hautematen lagun diezaieten.
Martxoaren 17tik, Udaleko Gizarte Zerbitzuek telefono, posta elektroniko eta bideo deien bidez erantzuten dihardue hitzorduei. Zerbitzuek prestazioak izapidetzeko, mendekotasun egoerari aurre egiteko, gizarte-bazterkeriari aurrea hartzeko eta familien ongizateari arreta eskaintzeko ohiko jarduerari eutsi diote.
Ordutegi erregularra, astelehenetik ostiralera, 08:00etatik 15:00etara da, ohi bezala, eta indartzeko neurri gisa, egoera bereziei erantzungo zaie, 15:00etatik 20:00etara, hurrengo egunera arte itxaron ezin duten eta euskal osasun-sistemaren prestazioetan sartuta ez dauden hainbat alderdiri lotuta dauden egoera berezie kasuei erantzuteko; hala nola bakardadeari, norberaren kezkari edo orientazio-premiari. Taldeko kideek txandak eta erretenak ezarri dituzte.
Harremanetarako bideak: telefonoa eta posta elektronikoa
Gizarte zerbitzuekin harremanetan jartzeko, herritarrek 943 17 91 61 - 943 17 91 62 telefono zenbakira deitu ahal izango dute, edo sociales@udalemua.net e-posta helbidera idatzi.
Gainera, Bizkaiko Foru Aldundiaren gizarte-larrialdietako koordinazio-telefonora 94 402 50 50 zenbakira ere dei daiteke, eguneko 24 ordutan erantzuten duena, urteko 365 egunetan.
Estatuan ezarritakoari jarraituz, borondatezko lankidetza eskaini nahi duen edozein pertsonak eta kolektibok gizarte-zerbitzu horietara jo beharko du, Gurutze Gorria GKEari elkartasuna helarazi eta bideratu ahal izateko.
