Barakaldoko Udalak desfibriladoreak jarri ditu adinekoen zentroetan

Barakaldoko Udalak desfibriladoreak eta eztarriko trabamenduen aurkako gailuak jarri ditu herriko adinekoen zentro guztietan. Horrez gain, urtarriletik aurrera sorospenei buruzko formazioa eskainiko zaie profesionalei.

Kanpoko hamaika desfibriladore erdiautomatiko (KDEA) erosi dira, eta adinekoen gizarte-zentroetan eta udaletako eguneko zentroetan instalatu dira. "Bihotz- eta arnas-gelditze baten aurrean berehala eta eraginkortasunez jardungo dela bermatzea da helburua, arriskuak eta ondorioak ahalik eta gehien murriztuz". azaldu du Mikel Antizarrek, Gizarte Ekintza arloko zinegotziak.

Ehunka adinduk jotzen dute egunero Barakaldoko Gizarte Zentroetan antolatzen diren jarduera ugarietara, edo, besterik gabe, elkargune gisa. Gune horiek ahalik eta seguruenak izatea nahi dugu, eta horregatik jarri da abian ekimen hau.

Berehalako tratamendua ezinbestekoa da, eta zentro horietan desfibriladoreak instalatuz gero, bizitza salbatzen duen teknologia da onuragarriena. Izan ere, pertsona kaltetuaren bizitza salba dezake.

Era berean, zentro bakoitzean larrialdi-dispositibo bat jarri da eztarriko trabamenduagatiko asfixian aire-bideko buxadura bat askatzeko, eztarriko trabamenduko protokolo estandarra ondo joan ez denean. "Gailu horiek eraginkorrak direla frogatu da, bizitza asko salbatuz eta beste aukera bat eskainiz protokolo estandarrak buxadura askatzea lortzen ez duenean", azaldu du zinegotziak.

Aparatu arinak dira, oso leku gutxi hartzen dute eta ez dute elikatze-iturririk behar. Horrek ekipo ezin hobea bihurtzen du botikin gisa gordetzeko eta beti gertu edukitzeko, berehala erabili ahal izateko.

Instalazioen ezaugarriak direla-eta, Anaien ISZ zentroan 3 tresna jarriko dira:

• Jatetxe-kafetegi zerbitzua
• Eguneko Zentroa
• Etxebizitza komunitarioa

Lehen sorospenei buruzko prestakuntza

Gizarte Ekintza Arloak, halaber, lehen sorospenei eta desfibriladoreen erabilerari buruzko prestakuntza , eta datorren urtarrilean eztarriko trabamenduen aurrean nola jokatu behar den jakitekoa antolatuko du. Prestakuntza horiek zerbitzu eta jardueren arduradunei zuzenduta egongo dira: kafetegia, ile-apaindegia, begiraleak eta abar, baita parte hartu nahi duten Zuzendaritza Batzordeetako kideei ere."Gure helburua da lasaitasuna eta segurtasuna eskaintzea gerta daitezkeen larrialdi-egoeren aurrean, eta espazio seguruagoak sortzea gure hiriko adinekoen gizarte-zentroetan", azpimarratu du Antizarrek..

10.000 bazkide baino gehiago adinekoen zentroetan

Barakaldon 10 gizarte-zentro daude, gure hiriko hainbat auzotan banatuta, 10.500 bazkiderekin. Espazio horietan jarduera ugari egiten dira, hala nola memoria, pilates, gimnasia, informazio-hitzaldiak eta abar. Zahartze aktiboa eta bizi-ohitura osasungarriak sustatzen dituzten espazioak dira. Gainera, kafetegi- eta jatetxe-zerbitzuak, ile-apainketa eta podologia dituzte, besteak beste.

Era berean, Gizarte Ekintzako Arloak bi eguneko zentro kudeatzen ditu II. eta III. mendekotasun-graduak dituztenentzat, Anaien ISZ zentroan eta Bakea zentroan, 60 eta 20 erabiltzailerentzat.