EiTBk eta Euskadiko Orkestra Sinfonikoak lankidetza hitzarmena berritu dute

EP - 2018(e)ko irailaren 5a, asteazkena - 16:51etan eguneratua

Maite Iturbe Euskal Irrati Telebistako (EiTB) zuzendari nagusiak eta Oriol Roch Euskadiko Orkestra Sinfonikoko (EOS) zuzendari nagusiak bi erakundeen arteko lankidetza hitzarmena berritu dute asteazken honetan, irailaren 5ean. Akordioaren bitartez, EiTBko hedabideek EOSen jarduerak sustatzeko leiho izaten jarraituko dute.

BILBO. Sortu zirenetik, bi erakundeak bidelagun izan dira musika euskal gizartera gerturatu eta zabaltzerako orduan, eta asteazken honetan berritu den hitzarmenak orain arte egindako lana berretsi eta indartuko du.

Horrela, EiTB komunikazio taldeko hedabideek gertutik jarraituko dute euskal orkestraren jarduna (abonu denboraldiko kontzertuak, emanaldi bereziak, kolaborazioak eta abar). Telebista, irrati eta Internet bidez, EOSen ekitaldi guztien berri jasoko dute herritarrek, orain arte bezala.

Jarraipen informatiboa egiteaz gain, EiTB zabalik egongo da EiTB Taldeko zein EOSeko langileek bi aldeentzako komunikazio proiektu interesgarriak proposatu eta garatu ahal izan ditzaten, eta horrelakoetan elkarlanean aritzeko aukera izan dezaten.

Hitzarmenari esker, EOSeko abonu denboraldiko kontzertuetako audioak grabatu eta eman ahalko ditu EiTBk. Bestalde, telebistan ere gozatu ahalko dute ikus-entzuleek orkestraren musikaz, iaz bezala, kontzertu bat grabatuko baitu ETBk Gabonetan eskaintzeko.

Berebat, bi erakundeen arteko lankidetzan bide berriak urratzeko aukera zabalik geratuko da, betiere musika eta kultura zabaltzea jomuga dutela.


COMENTARIOS:Condiciones de uso

  • No están permitidos los comentarios no acordes a la temática o que atenten contra el derecho al honor e intimidad de terceros, puedan resultar injuriosos, calumniadores, infrinjan cualquier normativa o derecho de terceros.
  • El usuario es el único responsable de sus comentarios.
  • Deia se reserva el derecho a eliminarlos.

Más sobre Cultura

ir a Cultura »

Últimas Noticias Multimedia

  • ©Editorial Iparraguirre, S.A.
  • Camino de Capuchinos, 6, 5ºC Bilbao
  • Tel 944 599 100, Fax 944 599 120