66. edizioa

Argentinako 'El amor menos pensado' filmak inauguratuko du Zinemaldia

Verak zuzendutako lehen film honetan, Mercedes Morán eta Ricardo Darín izan ditu ondoan

EP - 2018(e)ko abuztuaren 1a, asteazkena - 16:46etan eguneratua

Imagen de una de las escenas de la película argentina "el amor menos pensado".

Imagen de una de las escenas de la película argentina "el amor menos pensado". (Youtube-Patagonik)

Galería Noticia

Imagen de una de las escenas de la película argentina "el amor menos pensado".

Antolakuntzak iragarri duenez, Argentinako 'El amor menos pensado' filmak emango dio hasiera Donostia Zinemaldiaren 66. edizioari. Urrezko Maskorra eskuratzeko lehiatuko da, gainera, Juan Vera gidoigile eta ekoizle argentinarrak zuzendutako lehen filma. Lucrecia Martelek zuzendutako 'Zama' filmaren ekoizlekidea da Vera. Verak zuzendutako lehen film honetan, Mercedes Morán eta Ricardo Darín izan ditu ondoan;azken hori, Donostia sariduna bera, ekoizle gisa ere aritu da filmean, bere seme Chino Darínekin batera.

DONOSTIA. 25 urte ezkonduta eman ondoren, krisialdiak jo eta banandu egingo den bikote batean ardaztuta dago filma. Maitasunari, desioari eta denboraren joanari buruzko gogoeta egingo dute bikotekide ohiek.

Mercedes Morán (Villa Dolores, Argentina, 1955) Latinoamerikako zinemagile garrantzitsuenetako batzuekin aritu da lanean: Lucrecia Martel, Juan José Campanella, Walter Salles, Ana Katz (Los Marziano, 2011ko Sail Ofiziala) eta Pablo Larraín-ekin, besteak beste. Sueño Florianópolis filmean egindako lanagatik emakumezko aktore onenaren saria jaso du aurten Karlovy Varyko zinema jaialdian.

'El ángel' ere estreinatu du 2018an, Cannesko zinema jaialdiko 'Un Certain Regard' sailean aurkeztua, zeina Perlak sailean proiektatuko den.

Bere aldetik, Ricardo Darín (Buenos Aires, 1957) Latinoamerikako aktorerik ospetsuenetako bat da. Donostia saria jaso zuen iaz, bere ibilbidearen aitorpen gisa. Zinemagile handiekin egin du lan;besteak beste, Adolfo Aristarain, Juan José Campanella, Fabián Bielinsky, Fernando Trueba, Trapero, Cesc Gay eta Santiago Mitre-rekin.

Azken bi hamarkada hauetan egin dituen filmetako asko ikusgai egon dira Donostia Zinemaldian;izan ere, lau aldiz lehiatu da Darín Sail Ofizialean, epaimahaikide ofiziala izan zen 2012an, eta, Donostia sariaz gain -'La cordillera' filma proiektatzearekin bat-, gizonezko Aktore Onenaren Zilarrezko Maskorra jaso zuen, ex aequo Javier Cámara-rekin batera, 'Truman' filmagatik, bai eta Europako Film Onenaren Publikoaren Saria ere, Relatos Salvajes filmagatik.

COMENTARIOS:Condiciones de uso

  • No están permitidos los comentarios no acordes a la temática o que atenten contra el derecho al honor e intimidad de terceros, puedan resultar injuriosos, calumniadores, infrinjan cualquier normativa o derecho de terceros.
  • El usuario es el único responsable de sus comentarios.
  • Deia se reserva el derecho a eliminarlos.

Más sobre Cultura

ir a Cultura »

Últimas Noticias Multimedia

  • ©Editorial Iparraguirre, S.A.
  • Camino de Capuchinos, 6, 5ºC Bilbao
  • Tel 944 599 100, Fax 944 599 120