Abuztuan

Burdinbidearen Euskal Museoak 57 tren historiko jarriko ditu zirkulazioan

2018(e)ko uztailaren 30a, astelehena - 17:01etan eguneratua

Burdinbidearen Euskal Museoak

Burdinbidearen Euskal Museoak (BEM fundazioa)

Galería Noticia

Burdinbidearen Euskal Museoak

Euskotrenen Burdinbidearen Euskal Museoak 57 tren historiko jarriko ditu zirkulazioan datorren abuztuan, 13 lurrun trakziozkoak eta 44 diesel, hain zuzen, Eusko Jaurlaritzako sozietate publikoak jakinarazi duenez.

Donostia.  Lurrunezko trenak larunbat, igande eta jaiegunetan ibiliko dira. Larunbatetan 12.30ean eta 18.00etan irtengo dira, eta igande eta jaiegunetan 12.30ean. Gainera, abuztuaren 1ean, lanegunetako diesel trakziozko trenen 2018ko zerbitzua hasiko da (asteartetik ostiralera), eta abuztuan bakarrik eskainiko da. Diesel trenak Azpeitiako museotik ibiliko dira, 12.30ean eta 18.00etan.

Museoak udako ordutegia du martxan abuztuaren 31ra arte: 10.30etik 14.00etara eta 16.00etatik 19.30era dago zabalik asteartetik larunbatera, eta 10.30etik 14.00etara igande eta jaiegunetan, bere arduradunek gogoratu dutenez.

Burdinbidearen Euskal Museoak Europako tren bildumarik hoberenetarikoa dauka, mota askotako ibilgailuekin: lurrunezko, diesel eta elektriko tren makinak;automotoreak eta bagoi mota desberdinak.

Era berean, Euskadiko makina-tresna multzorik osatuena eskaintzen du, Urolako Trenbidearen antzinako tailer mekanikoaren bidez. Horrez gain, XIX. mende bukaeratik trenbidean erabilitako uniformeen erakusketa bat eta munduko trenbide erlojuen bildumarik hoberenetarikoa ikusgai daude.

Orobat, museoa "1921-1926. Urola trenbidearen eraikuntza" argazki erakusketa aurkezten ari da. Formatu handiko 36 argazkiko bilduma bat da. Argazki gehienak argitaragabeak dira, eta Urola trenbideko eraikuntzako zenbait etapa islatzen dituzte.

COMENTARIOS:Condiciones de uso

  • No están permitidos los comentarios no acordes a la temática o que atenten contra el derecho al honor e intimidad de terceros, puedan resultar injuriosos, calumniadores, infrinjan cualquier normativa o derecho de terceros.
  • El usuario es el único responsable de sus comentarios.
  • Deia se reserva el derecho a eliminarlos.

Más sobre Euskadi

ir a Euskadi »

Últimas Noticias Multimedia

  • ©Editorial Iparraguirre, S.A.
  • Camino de Capuchinos, 6, 5ºC Bilbao
  • Tel 944 599 100, Fax 944 599 120