2018/2019 ikasturtea

EHUn matrikulatutako errefuxiatuek ez dute datorren ikasturtea ordaindu beharko

EHU da Estatu osoan aukera hori eskaintzen duen unibertsitate bakarra

EUROPA PRESS - Viernes, 13 de Julio de 2018 - Actualizado a las 15:39h

Campus de Leioa de la UPV/EHU

Leioako unibertsitatea. (DEIA)

Galería Noticia

Campus de Leioa de la UPV/EHU

Asilo eskatzaileak, nazioarteko babesaren onuradunak eta aberrigabeak Euskal Herriko Unibertsitatean (EHU) matrikula ordaintzetik salbuetsita egongo dira 2018/2019 ikasturtean. EHU da Estatu osoan aukera hori eskaintzen duen unibertsitate bakarra. Berrikuntza, Gizarte Konpromiso eta Kulturgintzako Errektoreordetzak bultzatu du ekimena, eta horrela ageri da jasota uztailaren 2an Euskal Herriko Agintaritzaren Aldizkarian argitaratutako Eusko Jaurlaritzaren Aginduan.

BILBO. EHUko iturriek adierazi dutenez, pertsona horiek unibertsitateko tasetatik salbuestea "aurrerapausoa" da, batetik, EHUk errefuxiatuen baldintzak hobetzeko egiten duen ahaleginean, eta, bestetik, Euskal Autonomia Erkidegoko (EAE) errefuxiatuen arretarako ekintzak egiteko asmoz Gobernu Kontseiluak 2015ean onartutako akordioa betetzeko bidean. 

Horrela, Garapenerako Lankidetza Bulegoaren bidez, EHUk laguntza eta aholkua emango die pertsona horiei unibertsitatean sartzeko eskaria egiteko eta matrikulako tasak ez ordaintzeko beharrezko diren agiriak aurkezteko. Hain zuzen ere, salbuespena lortzeko, asilo eskatzailearen txartel gorria indarrean eta administrazio egoitzaren ziurtagiria edo errolda ziurtagiria dira aurkeztu beharreko agiriak. 

Garapenerako Lankidetza Bulegoak harreman zuzena dauka CEAR elkartearekin, Gurutze Gorriarekin eta ACCEMekin. Elkarte horiek unibertsitatera bidaltzen dituzte beren herrialdean goi mailako ikasketak hasita dituzten pertsona atzerritarrak. Errefuxiatuei harrera egiteko zereginean EHUko Miguel de Unamuno Ikastetxe Nagusiak, Bilboko Udalak eta Letren Fakultateak ere hartzen dute parte. 

2017/2018 ikasturtean, EHUko Arabako eta Bizkaiko campusetan 13 asilo eskatzailea eta errefuxiatu aritu dira ikasten, Afganistan, Errusia, Iran, Kolonbia, Palestina, Sahara, Siria, Venezuela eta Yemenekoak, hain zuzen ere. 2018/2019 ikasturterako, egoera horretan dauden beste lau pertsonak egin dute aurrematrikulatu. 

EHUk pertsona horiekiko daukan gizarte erantzukizuna beste lau lan lerrotan gauzatzen da: errefuxiatuentzako oinarrizko laguntza (laguntzako hizkuntza programa, laguntza juridikoa eta bitartekaritza, laguntza psikologikoa eta osasun arlokoa, EHUko egoitzetan ostatu hartzeko erreserbak);laguntza unibertsitatearen esparruko premia bereziak betetzeko (unibertsitatean ari diren errefuxiatuen egoera akademikoa arautzeko bitartekoak jartzea); prestakuntza jarduerak eta sentsibilizazioa errefuxiatuen eta giza eskubideen arloan;eta diru laguntzak materiala erosteko, mantenurako eta garraiorako, besteak beste. 


COMENTARIOS:Condiciones de uso

  • No están permitidos los comentarios no acordes a la temática o que atenten contra el derecho al honor e intimidad de terceros, puedan resultar injuriosos, calumniadores, infrinjan cualquier normativa o derecho de terceros.
  • El usuario es el único responsable de sus comentarios.
  • Deia se reserva el derecho a eliminarlos.

Más sobre Euskadi

ir a Euskadi »

Últimas Noticias Multimedia

destacado mail

  • ©Editorial Iparraguirre, S.A.
  • Camino de Capuchinos, 6, 5ºC Bilbao
  • Tel 944 599 100, Fax 944 599 120