42. EDIZIOA

Kenny Garrett saxofonista ariko da ostegun honetan Getxoko Jazzaldian

Artista estatubatuarra Algortako Biotz Alai plazan ariko da, 22.00etan

EP - 2018(e)ko uztailaren 5a, osteguna - 10:19etan eguneratua

Kenny Garrett.

Kenny Garrett. (KennyGarrett.com)

Galería Noticia

Kenny Garrett.

Kenny Garret izango da Getxoko 42. Nazioarteko Jazzaldiko protagonista nagusia gaur, uztailaren 5ean. Artista estatubatuarra Algortako Biotz Alai plazan ariko da, 22.00etan, antolakuntzak jakinarazi duenez.

BILBO. Garrett baino ordubete lehenago, toki berean, Anders Fjeldsted Sextet banda danimarkarrak joko du Talde Lehiaketan, eta Hirugarren Milurtekoa atalean Euskadiko Ikasleen Jazz Orkestra ariko da, Algortako Geltokia plazan, 19.00etan.

30 urtetik gorako ibilbide profesionalean, Kenny Garrett (1960, Detroit, AEB) bere belaunaldiko saxofoi altu garrantzitsuena bihurtu da. 2010ean Grammy sari bat irabazi zuen, jazz instrumentaleko diskorik onenagatik, eta beste bost aldiz izendatu dute. Gainera, ohorezko doktorea da Music Berklee College ospetsuan 2011tik.

Lehen kontzertua Duke Ellington-en orkestrarekin eman zuenetik, eta ondorengo ibilbide osoan zehar, Garrett-ek beti garatu ditu soinu propioa eta melodia berezia, lengoaia edo egoera musikal ezberdinetan jardun arren. Horrela, Freddie Hubbard, Woody Shaw, Art Blakey &The Jazz Messengers eta Miles Davis moduko musikariekin aritu da, besteak beste.

Azken 20 urteetan, konpositore gisa eta bere taldeko gidari gisa hazten jarraitu du. "Do Your Dance" da bere azken lana. Egitura errazak, maila handiko soloak eta groove doinuak dira bere musikaren ezaugarri nagusiak. Getxon boskote formatuan ariko da, Vernell Brown (piano), Corcoran Holt (kontrabaxua), Marcus Baylor (bateria) eta Rudy Bird-ekin (perkusioa).

Bestalde, Talde Lehiaketan, Anders Fjeldsted seikote danimarkarra ariko da. Musika batik bat originala da, Charles Mingus edo Thelonious Monk-en eraginekin, betiere "soinu adierazkor eta organiko baten aldeko apustua" eginez. Hirugarren Milurtekoa atalean, berriz, Euskadiko Ikasleen Jazz Orkestra izango da. Taldeak helburu pedagogikoa du jazz estilo askotarikoen orkestra interpretazioari dagokionez, eta, aldi berean, gaur egungo musikagile eta moldatzaile berriei ahotsa eman nahi die.

COMENTARIOS:Condiciones de uso

  • No están permitidos los comentarios no acordes a la temática o que atenten contra el derecho al honor e intimidad de terceros, puedan resultar injuriosos, calumniadores, infrinjan cualquier normativa o derecho de terceros.
  • El usuario es el único responsable de sus comentarios.
  • Deia se reserva el derecho a eliminarlos.

Más sobre Eskuinaldea

ir a Eskuinaldea »

Últimas Noticias Multimedia

  • ©Editorial Iparraguirre, S.A.
  • Camino de Capuchinos, 6, 5ºC Bilbao
  • Tel 944 599 100, Fax 944 599 120