garrantzitsua da neurri batzuk hartzea

Udako oporretan lapurretak saihesteko aholkuak

Udaltzaingoak neurri batzuk hartzea gomendatzen die herritarrei

DEIA - 2018(e)ko uztailaren 4a, asteazkena - 10:18etan eguneratua

Como burlan los ladrones la cadena de una puerta

Udako oporretan lapurretak saihesteko aholkuak.

Galería Noticia

Como burlan los ladrones la cadena de una puerta

BILBAO. Udan etxebizitza asko hutsik geratzen direnez lapurreta gehiago izaten dira. Udaltzaingoak neurri batzuk hartzea gomendatzen die herritarrei. Sasoiz hartutako neurri batzuek lapurretak ekidin ditzakete oporretan. Hortaz, zentzunezko neurri batzuk hartzea komeni da, oporraldian ustekabekorik ez izateko. Hauxek dira neurri horietako batzuk:

BABESTU ETXEBIZITZA

  • Ez esan kanpoan egongo zarela pertsona ezezagunen aurrean edo leku publikoetan, eta ez esan baliozko gauzak dauzkazula etxean.
  • Ez utzi kanpoan zaudela dioen mezurik atean edo telefonoaren erantzungailuan.
  • Oporretan joan baino lehen, erabaki etxeko ateak eta leihoak sendotzea beharrezkoa den ala ez.
  • Sarrerako ateari beti eman giltza, “txartelaren metodoarekin” ezin dadin zabaldu.
  • Ez utzi giltzarik zerriaren azpian edo ezkutatuta. Seguruagoa da giltzaren kopia bat konfiantzako auzokoren bati edo senideren bati uztea.
  • Eskatu senide edo auzokoren bati heltzen zaizkizun gutunak hartzeko, pertsianak altxatzeko eta abar, inork nabari ez dezan ez zaudetela etxean.
  • Beharrezkoa izanez gero, konfiantzako bati esan zu aurkitzeko lekua edo modua.
  • Baliozko objektuetan egin markaren bat eta, ahal baduzu, utzi segurtasun-kutxetan, etxetik kanpo.
  • Irten baino lehen, itxi ondo uraren, argindarraren eta gasaren giltzak.
  • Etxean aldamioak badauzkazu, itxi leihoak eta pertsianak, ez eduki balio handiko objekturik kanpotik ikusteko moduan eta, ahal den neurrian, segurtasun-neurriak dauzkaten aldamioak aukeratu.
  • Oporretatik etxera helduta, atea bortxatu edo zabaldu dutela ikusiz gero, ez sartu eta ez ukitu ezer. Deitu 112 (Ertzaintza)/092 (Udaltzaingoa) telefonoetara eta eman horren berri.

SEGURU BIDAIAN

  • Bidaian joan aurretik, prestatu agiri pertsonalak (NAN, pasaportea, Gizarte Segurantzako txartela, etab.) eta ez nahastu diruarekin.
  • Ez eraman diru-kopuru handirik aldean. Larrialdietarako diru-kopuru bat bereizi eta leku seguruan gorde.
  • Aireportuetan eta geltokietan, ez galdu bistatik zure gauzak, eta, fakturatzen ari zarenean, jarri arreta zure inguruan dauden pertsonengan. Ez eraman beste pertsona batzuen gauza pertsonalik, oparirik edo paketerik, eta ez fakturatu beste pertsona batzuen ekipajerik.
  • Autoan bidaiatzen baduzu, irten baino lehen ziurtatu galgen egoera, direkzioa, argiak, gurpilak eta abarrak. Saiatu ez aparkatzen argi gutxi duten edo jende gutxi dabilen kaleetan edo leku bazterretan. Ez utzi balio handiko gauzarik ikusteko moduan.
  • Eduki pentsatuta erabiliko duzun bidea eta ez jarri iristeko ordurik. Nekatuta edo ondoezik bazaude, geratu. Hartu atseden ordu bi edo hirutik behin, eta gogoratu alkohola kaltegarria dela eta otordu oparoek logura ematen dutela.
  • Ez ahaztu segurtasun-uhala erabiltzea autoan bazoaz. Motorrean edo ziklomotorrean bazoaz, gogoratu kaskoa derrigorrezkoa dela.
  • Hamabi urtetik beherako umeek atzeko eserlekuetan joan behar dute. Ez utzi inoiz umeak bakarrik autoaren barruan.
  • Autoaren barrura intsekturen bat sartzen bada, geratu eta atera ezazu. Matxura edo istripuren bat edukiz gero, kendu autoa galtzadatik eta jarri seinaleak behar bezala. Beste gidari batzuek ibilgailua geratzeko seinaleak egiten badizkizute, arreta handiz ibili.
  • Eguraldi txarrarekin, igo segurtasuneko distantzia eta arreta handiz jokatu. Egin kasu trafiko-seinaleei eta arreta handiagoz ibili hirietako erdiguneak gurutzatzen dituzunean.
  • Eraman autoaren giltzaren kopia bi eta bereizita gorde.

COMENTARIOS:Condiciones de uso

  • No están permitidos los comentarios no acordes a la temática o que atenten contra el derecho al honor e intimidad de terceros, puedan resultar injuriosos, calumniadores, infrinjan cualquier normativa o derecho de terceros.
  • El usuario es el único responsable de sus comentarios.
  • Deia se reserva el derecho a eliminarlos.

Más sobre Bilbao

ir a Bilbao »

Últimas Noticias Multimedia

  • ©Editorial Iparraguirre, S.A.
  • Camino de Capuchinos, 6, 5ºC Bilbao
  • Tel 944 599 100, Fax 944 599 120