Arratsaldeko 20.00etan azken emanaldia

Gaur bukatuko da Arriagak antolatu duen "Ziklo Frantsesa"

Elena Copons sopranoak eta Rubén Fernández egongo dira bertan

EUROPA PRESS - 2018(e)ko maiatzaren 21a, astelehena - 11:26etan eguneratua

Vista del exterior del Teatro Arriaga de Bilbao

Vista del exterior del Teatro Arriaga de Bilbao (Oskar Martínez)

Galería Noticia

Vista del exterior del Teatro Arriaga de Bilbao

Bilboko Arriaga Antzokiak antolatu duen "Ziklo Frantsesa"-ri gaur emango dio bukaera, maiatzaren 21ean. Elena Copons sopranoak eta Rubén Fernández Aguirre piano jotzaileak eskainiko duten emanaldiarekin, arratsaldeko 20.00etan izango da. XIX. mendeko hiru konpositoreren piezak entzungo dira emanaldian: Reynaldo Hahn de Echenagucia, Henri Duparc eta Felip Pedrell. Antzokiak jakinarazi duenez, Sandra Fernández Aguirre antzezleak errezitatzailearen lana egingo du.

BILBO. Reynaldo Hahn de Echenagucia (Caracas, Venezuela, 1874) konpositorea, abeslaria, piano jotzailea, orkestra zuzendaria eta kritikari musikala izan zen. Oso txikia zela Frantziara heldu zen, nazionalitate alemana ere zuen arren. Marcel Prousten maitalea izan zen bi urtez, eta bien arteko adiskidetasunak Proust hil arte iraun zuen.

Frantziako tradizio klasikoari eutsitako abestiak idatzi zituen, hala nola "Si mes vers avaient des ailes", "À Chloris" (barroko estilokoa, Johann Sebastian Bach-en omenez) eta "Quand la nuit n'est pas étoilée" (Victor Hugoren poemaren egokitzapena).

Halaber, operak, opereta, ganbera musika eta orkestra musika konposatu zituen.
Bestalde, Henri Duparc-ek (Paris, 1848) 17 kantu baino ez zituen idatzi, "baina bere aberastasun harmonikoak eta testuaren eta musikaren arteko bat egite paregabeak benetako altxor bihurtzen dituzte bere melodia guztiak".

Azkenik, Felip Pedrell (Tortosa, 1841) Albéniz, Granados eta Fallaren maisua izan zen, eta berrikuntzari ekin zion musika herrikoia eta musika jantzia bateratuz. Frantziako kulturarekin maiteminduta, Victor Hugo eta Theophile Gautier-en testuetan oinarritutako hainbat kantu konposatu zituen.


COMENTARIOS:Condiciones de uso

  • No están permitidos los comentarios no acordes a la temática o que atenten contra el derecho al honor e intimidad de terceros, puedan resultar injuriosos, calumniadores, infrinjan cualquier normativa o derecho de terceros.
  • El usuario es el único responsable de sus comentarios.
  • Deia se reserva el derecho a eliminarlos.

Más sobre Cultura

ir a Cultura »

Últimas Noticias Multimedia

  • ©Editorial Iparraguirre, S.A.
  • Camino de Capuchinos, 6, 5ºC Bilbao
  • Tel 944 599 100, Fax 944 599 120