Zirrikituetatik begira

Udaberria

Juanra Madariaga - 2018(e)ko maiatzaren 20a, igandea - 06:00etan eguneratua

columnista juanra madariaga

Galería Noticia

columnista juanra madariaga

EZ zaigu udaberria behar bezala heldu. Edo bai? Euria eta hotza dira arturratzeetako iragarki etenbakoak. Grisak jaio-tzen dira oraindik egunak. Eta gristasun horretan ere gezurrak, faltsukeriak, albiste gogorrak eta tristeak, eta asta-kirtenkeriak ari dira igerika. Negargarriak dira batzuetan egunak.

Halarik ere, benetako udaberriaren etorrera agitu orduko, sorbeltzak ikusi ditut airean, aste honetan, betiko lez artazi ezinezkoak egiten, ziztu bizian marrazki geometrikoak eginez. Sorbeltzak eta enarak ailegatu dira zenbait lekutara, eta udaberriaren zan-tzua areagotu digute nolazpait.

Ez dakit sorbeltzak Palestinako zeruan ere izango diren Israelek jaurtiriko lehergailuak ekiditen, bataila-landa odoltsu hura goitik ikusten, toki guztietan gasa botatzen duten dron moderno haien inguruan hegaka. Ez dakit palestinarren giza eskubideak tai gabe urratzen dituen Israel herri moderno eta zabal hartan sorbeltzek habiak egiten dituzten, edota izuturik bizi ote diren egunero tiro hotsak en-tzuten dituztelako.

Eurovision lehiaketa absurdoa Israelek irabazi du, eta egiten dituen beldurkeriak bigarren plano batean gelditu dira bullying eta matxismoaren kontrako kanta batekin. Mundu guztiaren aurrean guay gelditu nahi du. Zelako paradoxa! Israelek mundu modernoak dituen arazoak salatu nahi ditu (salatzea oso cool da), inolako eskubiderik gabe ehunka hiritar masakratzen dituen bitartean, eta hain justu ere, Nakba ospatzen den aste honetan. Garaipen horrek aurpegia garbitu dio herri horri, eta tolerantzia faltsuz makillatu du bere biolentzia kontrolaezina.

Netanyahu eta izokin koloreko Trump bikote ederra osatu dute datorren urteko Eurovision kantaldirako. Inolako eskrupulurik gabe, zita musikala Jerusalem hirian izango dela esan du lehenak (ea erabateko boikota heda-tzen den munduan). Helburu argia du amarru horrek: mendebaldeko komunitatearen barruko kide bilakatzea.

Ez dakit datorren urtean sorbeltzak izango diren hiri horretako zeruan. Agian ez, agian ez dira berriz bueltatuko, agian ez da udaberri berririk izango.

COMENTARIOS:Condiciones de uso

  • No están permitidos los comentarios no acordes a la temática o que atenten contra el derecho al honor e intimidad de terceros, puedan resultar injuriosos, calumniadores, infrinjan cualquier normativa o derecho de terceros.
  • El usuario es el único responsable de sus comentarios.
  • Deia se reserva el derecho a eliminarlos.

Últimas Noticias Multimedia

  • ©Editorial Iparraguirre, S.A.
  • Camino de Capuchinos, 6, 5ºC Bilbao
  • Tel 944 599 100, Fax 944 599 120