53. Heineken Jazzaldia

Donostiako Jazzaldia Rubén Blades panamarrarekin hasiko da

Agertoki Berdeko emanaldi guztiak doan dira eta Zurriolan kokatuko da

2018(e)ko maiatzaren 12a, larunbata - 17:40etan eguneratua

Mikel Erentxun.

Mikel Erentxun. (Iker Azurmendi)

Galería Noticia

Mikel Erentxun.

Rubén Blades, saltsaren erregeetako bat, Roberto Delgadok zuzendutako orkestra panamarrarekin dator eta Jazzaldiaren lehen jardunaldiko izarra izango da, uztailaren 25ean, iluntzeko 9etan. Egun horretako gauerdiko kontzertua New Yorkeko Too Many Zooz hiruko moderno eta apurtzailearen kargura izango da. Esan behar da zuzeneko lehergarria dutela eta jarraitzaile asko ari direla biltzen.

Gary Clark Jr. dugu momentuko gitarrista: gaztetasunaren ausardia uztartzen du blues, rock eta souleko hainbat maisuren obraren ezagutzarekin, eta intentsitate ikaragarriko erritmoa lortzen du. Uztailaren 26ko gauerdian joko du. Aurretik, 21:00etan, Izaro euskal abeslaria izango dugu, igoera meteorikoa izaten ari den artista, gero eta entzule gehiagok estimatzen baitu haren sentsibilitate ikaragarria.

Mikel Erentxun gaztelaniaz abestutako pop-rockeko izen funtsezkoetakoa da. Eragin handia izan du Donostia inguruko musikariengan, hala bakarka daraman ibilbidean, nola Duncan Dhuko etapan. Gainera, nazioartean ere karrera luzea darama. Erentxunen kontzertua 27an izango da, gauerdiz. Heineken Agertoki Berdeko programazioa, egun horretan, gaueko 9etan Amateur taldeak emango duen kontzertuarekin osatuko da. Donostiako talde honek bere aurreko proiektuaren –La Buena Vida– espiritu poperoa berreskuratzen du.

Agertoki Berdearen azken egunean ere, uztailaren 28an, galako programa izango dugu. 21:00etan, Morgan, azken urte honetan Espainiako talde errebelazio gisa har daitekeena. Eta gauerdian, Anna Calvi, gora datorren talentu ukaezina, zeinari “PJ Harvey berria” deitzen baitiote.

Agertoki Berdeko emanaldi guztiak doan dira.

COMENTARIOS:Condiciones de uso

  • No están permitidos los comentarios no acordes a la temática o que atenten contra el derecho al honor e intimidad de terceros, puedan resultar injuriosos, calumniadores, infrinjan cualquier normativa o derecho de terceros.
  • El usuario es el único responsable de sus comentarios.
  • Deia se reserva el derecho a eliminarlos.

Más sobre Cultura

ir a Cultura »

Últimas Noticias Multimedia

  • ©Editorial Iparraguirre, S.A.
  • Camino de Capuchinos, 6, 5ºC Bilbao
  • Tel 944 599 100, Fax 944 599 120