joan den urtarrilaren 20an hasi zenetik

Ia 5.000 umek parte hartu dute Ikusi eta Ikasi programaren 14. edizioan

EUROPA PRESS - 2018(e)ko apirilaren 19a, osteguna - 11:44etan eguneratua

Bilbao pone en marcha hoy el programa infantil ‘Ikusi eta Ikasi’

Ikusi eta ikasi programa. (O. Martínez)

Galería Noticia

Bilbao pone en marcha hoy el programa infantil ‘Ikusi eta Ikasi’

Bilboko Udalak eta Euskaltzaleen Topaguneak antolatzen duten Ikusi eta Ikasi programaren 14. edizioko jarduerek 2-8 urteko ia 5.000 haur bildu dituzte, ekimena joan den urtarrilaren 20an hasi zenetik. Ipuin kontalariak, magia, antzerkia, ikuskizun interaktiboak, kontzertu didaktikoak, eta musikaterapia, barreterapia, gozoki natural, modelaje eta txiki erritmoaren tailerrak izan dira, besteak beste.

BILBO. Ikusi eta Ikasi ekimenaren helburua da ondo pasatuz euskararen erabilera bultzatzea ume bilbotarren artean, aisialdian eta modu dibertigarrian, kulturaren bidez hezkuntza sustatuz eta kalitatezko programazioa eskainiz.

Antolatzaileek jakinarazi dutenez, programa ostiralean bukatuko da, apirilaren 20an, Puski, Xurruski eta Mariski pailazoen "Pilo, Pilo, Korapilo" ikuskizunarekin. Saioa Karmengo aretoan izango da, 18.00etan, doan, baina eserleku kopuru mugatua da.

Programaren amaiera jaia izango da. Hori dela eta, azken hiru hilabeteetan hirian izandako ikuskizunetara joan eta gogobetetasuna neurtzeko inkesta bete duten umeen artean sariak banatuko dira. Inkesta baliagarria izango da aurtengo edizioko alderdirik onenak zeintzuk izan diren eta datozen edizioetan zeintzuk hobetu behar diren jakiteko.

Sarien artean, euskarazko hainbat mahai joko, umeentzako ipuin eta hezteko liburu egongo dira. Sarien bitartez, helduek eta umeek aisialdian euskaraz ondo pasatzen jarraitu ahalko dute.

Amaiera jaia ostiralean izango den arren, apirilaren 27an "Go!azen. Denok antzerkira!" ikuskizun musikala izango da BBK aretoan. 900 pertsonatik gora izan dira ikuskizunera joateko izena eman dutenak eta horien artean zozketa bat egin da aretora sartu ahal izateko. Aukeratutakoei jakinarazpen bat bidaliko zaie zozketaren emaitza zein izan den eta musikala ikusteko gonbidapena hartzeko zer egin behar duten azaltzeko.

HARRERA ONA

Arduradunen arabera, Ikusi eta Ikasi programaren 14. edizioak harrera ona izan du. Guztira, aisialdia, kultura eta hezkuntza uztartzen dituzten jarduera asko egin dira, Basurtu, Errekalde, Castaños, Deustu, Santutxu, Zorrotza eta Olabeagako udal zentroeta, Azkuna Zentroan, Indautxuko Karmengo aretoan, Ibaialdeko liburutegian, Euskararen Etxean (San Ignazio) eta Zamakola, Iruarteta eta Epaltzaren Alarguna eskoletan.

Aurten bi leku berri gehitu dira: Olabeaga eta Azkuna Zentroa. Azkuna Zentroa Abandoko udal zentroaren ordez jarri da, obrak egiten ari direlako. Gauzak horrela, programa hiriko ia auzo guztietara heldu da.

Bilboko Udalak adierazi duenez, "ahalegin handia" egin du txikien artean oso harrera ona duen Ikusi eta Ikasi programari eusteko eta kalitatea hobetzeko. 14. edizioan, 36 ikuskizun, 30 tailer eta seme-alabekin batera parte hartzeko gurasoentzako bi hitzaldi-tailer egin dira.

etiquetas: ikusi eta ikasi

COMENTARIOS:Condiciones de uso

  • No están permitidos los comentarios no acordes a la temática o que atenten contra el derecho al honor e intimidad de terceros, puedan resultar injuriosos, calumniadores, infrinjan cualquier normativa o derecho de terceros.
  • El usuario es el único responsable de sus comentarios.
  • Deia se reserva el derecho a eliminarlos.

Más sobre Bilbao

ir a Bilbao »

Últimas Noticias Multimedia

  • ©Editorial Iparraguirre, S.A.
  • Camino de Capuchinos, 6, 5ºC Bilbao
  • Tel 944 599 100, Fax 944 599 120