BILBAOPOESIA

Pedro Guerrak Ángel González poetaren omenezko errezitaldia eskainiko du Bilbon

“Pedro canta a Ángel González” izeneko kontzertua martxoaren 17an, 20:00etan hasiko da

2018(e)ko martxoaren 15a, osteguna - 10:31etan eguneratua

Pedro Guerra Kantautore kanariarra

Pedro Guerra Kantautore kanariarra

Galería Noticia

Pedro Guerra Kantautore kanariarra

Bidebarrietako Liburutegian dagoen Bidebarrieta Kulturguneak Bilboko Poesiarekin duen urteko topaketa jasoko du gaurtik aurrera: Bilboko Udalak antolatzen duen eta hogei egile inguru bilduko dituen Bilbaopoesia jaialdia. Egileen arteanJoan Margarit, Antonio Gamoneda, Olvido García Valdés edo Juan Carlos Mestre egongo dira, besteak beste. Musikak ere leku berezia izango du ekitaldian Pedro Guerra kantautorearen eskutik. Abeslariak kontzertua eskainiko du larunbatean, martxoaren 17an, arratsaldeko 20:00etan, Ángel González poeta asturiarraren omenez.

BILBO. Ohikoa denez, musikak ere leku berezia izango du programazioan, Pedro Guerra kantautorearen eskutik, besteak beste. Kantautore kanariarrak kontzertua eskainiko du larunbatean, martxoaren 17an, arratsaldeko 20:00etatik aurrera, Ángel González poeta asturiarraren omenez. Egilea –Letren Asturiaseko Printzea Saria 1985ean– hil zenetik hamar urte betetzen diren honetan, Guerrak haren poematan oinarritutako errezitaldia eskainiko du. Adiskidetasun eta harreman estua zuten, “La palabra en el aire” (2003) disko-liburua argitaratzeko elkarlanean aritu zirenetik.

“Pedro canta a Ángel González” izeneko kontzertua arratsaldeko 20:00etan hasiko da, eta 10 euro balio duten sarrerak salgai daude dagoeneko Power Recordsen eta  webgunearen bitartez.

Batez ere, poesiaren Mundu Egunaren ospakizunarekin bat etorriz, martxoaren 21ean Bilbaopoesiak oso errezitaldi berezia jasoko du, Héctor Alterio (Buenos Aires, Argentina, 1929) antzezle beteranoaren eskutik, José Luis Merlin musikari argentinarrak gitarrarekin lagunduta. “Como hace 3000 años” izenburua daraman egitasmoak, Alteriok, erabat identifikatuta sentitzen den poema aukeraketa bat (León Feliperenak batez ere) interpretatzeko zuen nahia betetzen du.

Alteriok errezitaldi horretarako egiten duen proposamena oso berezia da, poemak era klasikoan errezitatu beharrean, antzeztu egiten dituelako. Horrela, ez dira metrika edo melodia bidea markatzen dutenak, antzezpena baizik, ez du esentzia bakarrik bilatzen, ikuskizuna ere bilatzen du. Errezitaldirako sarrera doakoa izango da, gonbidapenarekin. Gonbidapenak Bidebarrietako Liburutegian bertan jaso ahal izango dira, gaurtik aurrera –larunbatean eta igandean izan ezik– liburutegiko ordutegian, gehienez ere bi gonbidapen pertsona bakoitzeko.

COMENTARIOS:Condiciones de uso

  • No están permitidos los comentarios no acordes a la temática o que atenten contra el derecho al honor e intimidad de terceros, puedan resultar injuriosos, calumniadores, infrinjan cualquier normativa o derecho de terceros.
  • El usuario es el único responsable de sus comentarios.
  • Deia se reserva el derecho a eliminarlos.

Más sobre Bilbao

ir a Bilbao »

Últimas Noticias Multimedia

  • ©Editorial Iparraguirre, S.A.
  • Camino de Capuchinos, 6, 5ºC Bilbao
  • Tel 944 599 100, Fax 944 599 120