arraina, frutak eta ortuariak

Mercabilbao merkaturatutako 131.238 tonara heldu da urteko lehenengo seihilekoan

Madaria eta melokotoia bilakatu dira produktu izarrak ekitaldiaren erdialde honetan

DEIA - 2017(e)ko uztailaren 27a, osteguna - 11:35etan eguneratua

Imágenes de Mercabilbao de esta mañana.

Imágenes de Mercabilbao. (Borja Guerrero)

Galería Noticia

Imágenes de Mercabilbao de esta mañana.

Mercabilbao sozietate publikoak ekitaldiaren erdialdearen balantze positiboa egin du, merkaturatutako 131.238 tonarekin 2017ko urtarriletik ekainera bitartean. Guztien artetik 117.749 Tm, frutak eta ortuariak izan dira, eta 13.489 Tm, arraina, horiek baitira Bizkaiko Basauriko udalerrian dagoen iparraldeko Elikagai Unitatea osatzen duten hiru merkatu nagusiak. Bizkaiko elikagai industria galkorraren motor ekonomikoaren arduradunak zoriontsu agertu dira “despentsa” handi horrek erakusten dituen zifrengatik eta gorako joerarengatik. Izan ere, Mercabilbaok merkaturatutako 248.863 tonako datu historikoarekin itxi zuen 2016. urtea.

BILBO. Sektoreka, frutena eta ortuariena da, oraindik ere, salmenta bolumen handiena eragiten duena, aurtengo urtarriletik ekainera bitartean 117.749 tona merkaturatu baititu. Azpimarragarria da madaria eta melokotoia bilakatu direla produktu izarrak ekitaldiaren erdialde honetan, merkaturatutako 3.489 eta 3.283 Tm-rekin, hurrenez hurren. Horien ondoren, oso gertu, gerezia, 2.579 Tm-rekin, eta nektarina, 2.366 Tm-rekin. Meloia (1.630 Tm), arbeletxekoa (1.527 Tm), angurria (1.276 Tm), paraguaioa (1.129 Tm), okarana (569 Tm), mahatsa (511 Tm) eta uztapikua (64 Tm), azken hori aurrekoetatik oso urrun, dira arrakasta gehien duten frutak.

Arrainaren sektoreari dagokionez, aipatutako epealdian 13.489 tona merkaturatu dira. Azpimarratzekoak dira hegaluzearen salmenta datuak, arrantzaldiaren erdian 263 tona lortu baititu. Legatza (1.171 Tm), antxoa (1.081 Tm) eta txitxarroa (1.044 Tm) dira gehien saldu diren arrainak, eta horien ondoren antxeta (918 Tm), komatula (589 Tm) eta izokina (528 Tm) datoz, eta gero garrantzi gutxiagoko hainbat arrain, baina garrantzi gutxiago kopuruari dagokionez, ez zaporeari dagokionez, sardina, merlenka, berdela edo itsas zapoa, besteak beste.

MERCABILBAOK DATU HISTORIKOAREKIN ITXI ZUEN 2016

Mercabilbao sozietate publikoak aurrera jarraitzen du gorako joerarekin. Horrela, iazko ekitaldian 248.863 Tm merkaturatu zituen guztira. Iparraldeko Elikagai Unitatea erreferente ekonomiko gisa jartzen duen datu historikoa. Azken urteetako etengabeko hazkundea ere finkatu egiten da. Merkatua %100ean okupatuta dago, eta ordezkatzen duen eredu arrakastatsua finkatzeko erabateko konpromisoa erakusten du, etengabeko berrasmakuntza eta eraldaketa prozesuan, kalitatezko produktuen kontsumitzaileen eskariei erantzuteko gai izateko.

Emaitza ekonomikoetara itzulita, Mercabilbaok 669.224 euroko irabaziak izan zituen zerga ondoren 2016an. Kopuru hori finantzaketa iturri garrantzitsua da etorkizunean jarduerari eutsi ahal izateko gauzatu behar diren inbertsioetarako. Jarduera hori, Mercabilbaon lan egiten duten pertsona guztien lanari esker da posible, operadoreak, jarduera osagarrien gunea, merkataritza guneak eta bulegoak. 13 hektareako azaleran ehun enpresa baino gehiago ari dira, eta mila pertsona baino gehiagok egiten dute lan. 2016an ia 677.000 ibilgailu hartu ditu, 3.000 sarrera inguru egunean, batez beste.

COMENTARIOS:Condiciones de uso

  • No están permitidos los comentarios no acordes a la temática o que atenten contra el derecho al honor e intimidad de terceros, puedan resultar injuriosos, calumniadores, infrinjan cualquier normativa o derecho de terceros.
  • El usuario es el único responsable de sus comentarios.
  • Deia se reserva el derecho a eliminarlos.

Más sobre Bilbao

ir a Bilbao »

Últimas Noticias Multimedia

  • ©Editorial Iparraguirre, S.A.
  • Camino de Capuchinos, 6, 5ºC Bilbao
  • Tel 944 599 100, Fax 944 599 120