SPRI Taldearen bitartez

Basque Industry 4.0 estrategia aurkeztu dute Madrilen

Alex Arriolak RIS3 Espezializazio Adimenduneko Estrategia izan du hizpide

ep - 2017(e)ko maiatzaren 31a, asteazkena - 13:36etan eguneratua

La consejera Arantxa Tapia junto a Álex Arriola, de la Spri.

Alex Arriola eta Arantxa Tapia.

Galería Noticia

La consejera Arantxa Tapia junto a Álex Arriola, de la Spri.

Eusko Jaurlaritzak SPRI Taldearen bitartez aurkeztu du asteazken honetan Madrilen 4.0 industria arloari buruzko Euskadiko estrategia. Alex Arriola SPRI Taldeko zuzendari nagusiak 4.0 Industria Konektatua estrategiari buruzko jardunaldi batean parte hartu du Madrilen.

BILBO. Jardunaldian ezagutzera eman dira 4.0 Industria Konektatua estrategiaren gobernantza sistemaren baitan sortutako lantaldearen funtzioak. Talde hori aldian behin bilduko da elkarren artean trukatzeko industriaren digitalizazioari buruzko jardunbide egokiak, esperientziak, emaitzak eta proiektu bateratuak. SPRI Taldeko zuzendariak eta IGAPE Galiziako Ekonomia Sustapenerako Erakundeko zuzendari nagusiak erkidego bakoitzaren 4.0 industriaren inguruko estrategiak aurkeztu dituzte.

Arriolak RIS3 Espezializazio Adimenduneko Estrategia izan du hizpide, eta Europar Batasunaren zuzentarauetan oinarritutako estrategia bat dela adierazi du, besteak beste, espezializazio produktiboko arloak finkatzen dituena, Euskadiko ehun industriala eta gaitasun teknologikoak oinarritzat hartuz. Fabrikazio aurreratua da arlo horietako bat, eta Jaurlaritzak arlo horri zuzendutako estrategia zehatza garatu du: Basque Industry 4.0.

SPRIren arabera, lurralde mailako estrategia bat sortzeko ezagutza zientifiko eta teknologikoak behar dira, baina baita merkatuko ezagutzak eta ekintzailetzako gaitasunak ere. "Hau da, lurralde mailako estrategia prozesu parte hartzaile baten emaitza da, eta prozesu horretan parte hartzen dute administrazio publikoek, enpresa komunitateak, mundu akademikoak eta gizarte zibilak", adierazi du.

Bide horretatik, Jaurlaritzak Fabrikazio Aurreratuko Estrategia garatu du, Euskadi oinarri industrialeko ekonomia gisa kokatzeko eta lider bihurtzeko, ezagutzan intentsiboa den fabrikazioa bultzatuz. Estrategia honen lehentasuna da produktu berriak sortzen laguntzea, material berriak txertatzea eta fabrikazio prozesuak hobetzea espezializazio sektoreetan.

COMENTARIOS:Condiciones de uso

  • No están permitidos los comentarios no acordes a la temática o que atenten contra el derecho al honor e intimidad de terceros, puedan resultar injuriosos, calumniadores, infrinjan cualquier normativa o derecho de terceros.
  • El usuario es el único responsable de sus comentarios.
  • Deia se reserva el derecho a eliminarlos.

Más sobre Economía

ir a Economía »

Últimas Noticias Multimedia

  • ©Editorial Iparraguirre, S.A.
  • Camino de Capuchinos, 6, 5ºC Bilbao
  • Tel 944 599 100, Fax 944 599 120