epea irailaren 25era arte irekita egongo da

Artez Blai Arte Eszenikoen Nazioarteko X. Ikerketa Saria abian da

EUROPA PRESS - Viernes, 26 de Mayo de 2017 - Actualizado a las 13:56h

Artez Blai.

Artez Blai.

Galería Noticia

Artez Blai.

Artez Blai Kultur Elkarteak Artez Blai Arte Eszenikoen Ikerketa Sariaren 2017ko edizioaren deialdia egin du. Bere estatutuetan jasotzen diren helburuen artean, elkarteak arte eszenikoen inguruko ikerkuntza eta ikasketa bultzatzea du xede, eta horren ondorioz, sariaren hamargarren edizioaren deialdia egin du.

BILBO. Horrela, Artez Blai elkarteak jakinarazi duenez, lanak bidaltzeko epea irailaren 25era arte irekita egongo da. Edozein egilek parte har dezake, ikerketa, azterketa, hausnarketa teoriko zein saiakera edo praktika proposamenak modu kritikoan agertutako testuak edota doktore tesiak aurkeztuz, betiere arte eszenikoei lotuta, hau da, genero eta estilo guztietako antzerkia, dantza, zirkoa, magia eta beste edozein arte performatibo. Lanak kudeaketa, teknika edo arlo artistikoari buruzkoak izan daitezke.

Egileek nahi adina testu aurkez ditzakete, banaka zein beste egileren baten laguntzaz eginikoak. Euskaraz edota gaztelaniaz idatzitakoak izango dira lanak, originalak, edozein euskarritan argitaratu gabeak (ez zatika, ezta osorik), eta argitaratzeko konpromisorik gabeak. Doktore tesien kasuan, unibertsitateen biltegi digitaletan badaude, argi adierazi beharko da. Lanen gaia librea izango da, eta luzerari dagokionez, gutxienez 175.000 eta gehienez 450.000 karaktere izan behar dute (espazioak barne).

Lan bakoitza edonolako euskarri digitalean aurkez daiteke, baina izenburua izan behar du eta egile edo egileen datuak bereizirik aurkeztu behar dira. Izenpetutako aitorpen bat erantsi behar da, lana argitaratu gabea dela, beste sariren baten erabakiaren zain ez dagoela, argitaratzeko konpromisorik ez duela eta egileak eskubide guztiak dituela egiaztatzen duena.

IRAILAREN 25ERA ARTE

Aipatu bezala, lanak aurkezteko epea irailaren 25ean bukatuko da. Posta elektroniko bidez bidali beharko dira artez@artezblai.com helbide elektronikora, mezuan "Artez Blai Arte Eszenikoen Nazioarteko X. Ikerketa Saria" idatzita.

Irabazten duen lana Artezblai argitaletxearen "Teoria eta Praktika" bilduman argitaratuko da. Irabazlea neguan jakinaraziko da www.artezblai.com egunkari digitalean, elkartearen sare sozialetan eta zenbait komunikabidetan. Irabazleak argitaletxeari emango dizkio argitaratze eskubideak eta irabazien %10 jasoko du.

Epaimahaia gutxienez hiru eta gehienez bost adituk osatuko dute, Artez Blai Kultur Elkarteko zuzendaritza taldeko kideren bat idazkari dela. Erabakia apelaezina izango da.

COMENTARIOS:Condiciones de uso

  • No están permitidos los comentarios no acordes a la temática o que atenten contra el derecho al honor e intimidad de terceros, puedan resultar injuriosos, calumniadores, infrinjan cualquier normativa o derecho de terceros.
  • El usuario es el único responsable de sus comentarios.
  • Deia se reserva el derecho a eliminarlos.

Más sobre Cultura

ir a Cultura »

Últimas Noticias Multimedia

  • ©Editorial Iparraguirre, S.A.
  • Camino de Capuchinos, 6, 5ºC Bilbao
  • Tel 944 599 100, Fax 944 599 120